InfoHub Logo

Qazaqstan qazirgi tańda kóptegen jańa joǵary oqý oryndary damyp kele jatqan, jańa mamandyqtarǵa qajettilik týyndap kele jatqan memleket. Mende elimizdiń barlyq Joǵary oqý oryndaryn taldap, saralap kórdim, tańdaýym ál-Farabı atyndaǵy Qazaq Ulttyq ýnıversıteti boldy. Bul joǵary oqý orny oqý-ǵylym jumysyndaǵy kóp jyldyq tájirıbege baı. Ál-Farabı atyndaǵy      QazUÝ – Qazaqstan ýnıversıtetteriniń jalpy reıtıńisiniń kóshbasshysy, el tarıhyndaǵy tuńǵysh Qazaqstan Respýblıkasy Prezıdentiniń «Sapa salasyndaǵy jetistikteri úshin» syılyǵynyń ıegeri, Dostastyq elderiniń jeńimpazy. Uacquarelli Symonds (QS) bedeldi halyqaralyq reıtıńtik agenttigi júrgizgen táýelsiz baǵalaý qorytyndysy boıynsha ál-Farabı atyndaǵy Qazaq ulttyq ýnıversıteti joǵary baǵa alyp, «QS Stars Rating System» halyqaralyq reıtıńisinde «Bes juldyz» joǵary marapatyna ıe boldy. QazUÝ – «Bes juldyz» marapatyna ıe bolǵan Ortalyq Azıa aımaǵyndaǵy alǵashqy jáne jalǵyz joǵary oqý orny. Sonymen qatar ýnıversıtet túlekterdi jumyspen qamtý Reıtıńisinde 500 JOO ishinen 251 orynǵa ıe bolǵan Ortalyq Azıadaǵy alǵashqy ýnıversıtet atandy. Reıtıń jumys berýshilerdiń stýdenttermen ózara is-qımylyn uıymdastyrý jáne bitirgennen keıin jumysqa ornalasýy, jumys berýshiler arasynda bedeli, túlekterdiń kásibı jetistikteri, jumys berýshilermen seriktestik syndy baǵalaý krıterııleri negizinde qurastyryldy. Bul joǵary nátıje QazUÝ-dyń jumys berýshilermen tyǵyz baılanysy bar ekenin jáne kóptegen JOO túlekteriniń eldiń úzdik kompanıalarynda jáne odan tys jerlerde tabysty jumys atqaratynyn rastaıdy.

Joǵary bilikti mamandardy daıarlaýǵa álemdik bilim keńistigine odan ári kirigýge, irgeli jáne qoldanbaly zertteýlerdi damytýǵa, ýnıversıtettiń orasan zor bilim berý, ǵylymı, rýhanı-aǵartýshylyq, ınovasıalyq áleýeti bar. QazUÝ sanaly bilim alýǵa jáne óz salasynda kásipqoı bolýǵa múmkindik beredi. Sonymen qatar ýnıversıtettiń tolyqqandy akademıalyq emes ómiri de bar. QazUÝ-da kórkemdik qyzyǵýshylyqtan bastap ǵylymı jobalar jasaýǵa deıin ártúrli taqyryptyq baǵyttarmen aınalysatyn birneshe stýdenttik uıymdar bar. Árbir uıymnyń ózindik shyǵarmashylyq atmosferasy bar. Olarǵa qosylý arqyly siz kóptegen jańa tanystar, emosıalar jáne árıne, jańa bilim, jańa orta taba alasyz.

Sadyrbek Dınara ál-Farabı atyndaǵy QazUÝ 1-kýrs magıstranty
Qurmanalıeva Aınur, Ǵylymı jetekshi, fılosofıa ǵ.d., profesor

 

---