Neńdi seniń ańsaımyn, bala shaǵym?
Buldyraǵan aınalań ala saǵym.
Ala saǵym ishinde - bolashaǵyń,
Bolashaǵyń bolashaq alashaǵyń.
Seniń qandaı ańsaımyn «tamashańdy?»
Soǵys keldi:júrekke jara saldy,
Shapan ettim tósengen alaqandy,
Qamqor tutyp, qaýqarsyz qara shaldy.
Saǵynam ba sýyq men talqanyńdy?!
Sýyǵyndy, súrqıa qańtaryńdy.
Ájem baıǵus mezgilsiz oraza ustap,
Bizge berip talqanyn qańtaryldy.
Saǵynam ba tústeriń, keshterińdi?!
Jalań aıaq tańǵy shyq keshkenimdi.
Óshkenimdi bildirmeı, óskenimdi,
Júre berdim jamylyp bóstegimdi.
Saǵynbaımyn,
Saǵynsam, múńaıtady...
Muńaısam, kóńil taǵy laıtady.
Ánýardy, Shámshini, Shámilderdi
Kún ótkizgen solaı dep kim aıtady?..

---