Aýylda ósken baýyrlarym, qaıdasyńdar sender
Týǵan jerdiń topyraǵy, shaqyrady belder.
Senderdi oılap kúrsinedi, kúrsinedi taýlar,
Buıyǵady bulaqtar da. shaıqalady kólder.
Shabyndyqta bódeneler, shegirtkeler án cap,
Jasyl toǵaı jabyǵýda ózderińdi ańsap.
Oralyndar, oralyńdar, oralyńdar elge
Bizder úshin nege kerek ataq, dańq, mansap!
Shaqyrady shabyndyqtar, buıra shashty taldar,
Joldaryńa kóz tigýde kempirler men shaldar!
Týǵan jerdiń aspany da azan salyp joqtap,
Juldyzdardyń kózderinen otty jasy parlar.
Senderdi ańsap jatyr, áne, jaılaý menen qyrman
Senderdi ańsap, án salady, taý samaly qyrdan.
Ata-baba zırattary oralyńdar dep tur,
Týǵan ólke ár shetinde qorǵan bolyp turǵan.
Azamattar, oralyndar, oralyńdar elge,
Týǵan jersiz baqyt ta joq, bola qalsa senbe!
Qalaı ǵana oralmassyń, bara almassyń, sender,
Kindik qanyń tamyp qalǵan qasıetti jerge!
Jibi týzý jan ediń qurmettegen,
Sen de ilesip barasyń dúrmekpenen.
Saǵan degen kóńilimde adaldyq bar,
Dúrmekpenen ketsem de kirletpegem.
Saǵan sony, jarqynym, bil dep kelem,
Ary taza deýshi edim, jany jaqsy,
Qalǵan kóńil, qaıteıin, nalymaqshy,
Qaıda baryp, jarqynym, jarymaqsyń?!
Sút izdegen túrtinshek aq laqsyń,
Sóıtip júrip, kimderdi janymaqsyń?
Tompańdaǵan montandaı momyn-aqsyń,
Sen de ózińshe namysty qorymaqsyń.
Qasyǵyńdy qalaıy qolyńa apsyń,
Qaısy aýyldyń qazanyn torymaqsń?
Jańarta ber, ushtaı tús jaǵynǵandy,
Jaǵyndyń da, jarqynym, baǵyń jandy.
Tańdandyra bilmegen basqalardy,
Basqalarǵa unatar tabynǵandy.
Jibi túzý, pendem-aý, qurmettegen!
Qaıda ilesip barasyń dúrmekpenen?
Tirshiligiń shamaly tirnektegen,
Jibi túzý, jarqynym, bil dep kelem!

---