Neni ańsaımyn?..
Týǵan ólke, týǵan jurt, seni ańsaımyn,
Hege ańsaımyn, bilmeımin, nege ańsaımyn
Ul de, meıliń, adasqan qul de, meıliń,
Seni ańsaımyn, týǵan el, onan saıyn!
Qýat bergen dámiń men tuzyń maǵan,
Qaımaǵyńdy ańsaımyn buzylmaǵan.
Gúlin súıem, shalǵynnyń búrin súıem,
Únin súıem masańnyń yzyńdaǵan.
Seni ańsaımyn, qaınaǵan aq bastaýlar,
Aq bas taýlar - samaıyn aq basqandar.
Seni ańsaımyn, qazirgi aq bas shaldar,
Burynǵy óreden qurt ap qashqandar,
Sý keship, jalań aıaq ot basqandar!

---