InfoHub Logo

Nurjamal Pernebekqyzy Úsenbaeva — Qazaqstan halyq ártisi, opera ánshisi. Ol 1958 jyly shildede týǵan. 1984 jyly Qurmanǵazy atyndaǵy Almaty konservatorıasyn bitirip, Abaı atyndaǵy Opera jáne balet teatrynda án aıta bastaıdy. Nurjamal Qyz Jibek pen Dananyń (E.G Brýsılovskıı, «Qyz Jibek» jáne «Er Tarǵyn»), Ajardyń (A.Q. Jubanov pen L.A. Hamıdı, «Abaı») beınelerin tamasha oryndady.

Bıik deńgeıdegi kásibı sheberlik pen shynaıylyq, baýrap alar sahnalyq tartymdylyq pen tabıǵı talǵampazdyq onyń ánshilik ónerine tán qasıet. Úsenbaevanyń repertýarynda ulttyq jáne shet el kompozıtorlarynyń ár alýan shyǵarmalary bar. Ol gastróldik saparmen shet elderde óner kórsetti. 2000 jyly Qazaqstan Memlekettik syılyǵynyń ıegeri atandy.

---