InfoHub Logo

Ashyq sabaq taqyryby: O dybysy men árpi
Sabaqtyń maqsaty:
- O dybysy men árpimen tanystyrý, O árpiniń baspa túrin jazýdy úıretý;
- Balalarǵa bilim berip, olardyń oı - órisin, estý, este saqtaý qabiletin, belsendi qyzyǵýshylyǵyn damytý;
- Imandylyqqa tárbıeleý. Balanyń rýhanı ósýine basshylyq jasaý.
Mindeti:
- Balalardyń sabaqqa degen qyzyǵýshylyǵyn týǵyzý;
- Ótken daýysty, daýyssyz dybystardy eske túsirip, qaıtalaý;
- Jańa taqyryppen tanystyrý;
- Balalardyń tilin damytyp, sózdik qoryn molaıtý;
- Sózderge dybystyq taldaý jasaı bilýge úıretý;
- Syzba boıynsha sóılem qura bilýge daǵdylandyrý;
- Jazbasha tapsyrmalardy oryndaý arqyly qol usaq matorıkasyn damytý;
Sabaqta qoldanylatyn ádis - tásilder: suraq - jaýap, túsindirý, kórnekilik, oıyn, praktıkalyq, sózdik.
Kórnekilikter: Hat, O árpiniń tańbasy, oıynshyqtar, «oramal», «torǵaı» beınelengen sýretter.
Qoldanylatyn qura - jabdyqtar: teksheler, dop, sóılem syzbasy, taqta, magnıt, «Balapannyń jazý dápteri».

Sabaqtyń barysy
Shattyq sheńber.
- Amansyńdar ma, balalar! Men sendermen kezdeskenime qýanyshtymyn jáne búgin bizge topqa qonaqtar kelip otyr. Al, qane, bárimiz dóńgelene shattyq sheńberge turaıyq, bir - birimizben amandasaıyq:
Kúndeı jadyrap,
Aıdaı araılap,
Juldyzdaı jarqyrap,
Sýdaı móldir taza kóńilmen,
Búgingi kúndi bastaıyq.
- Jaqsy balalar endi dóńgelenip otyraıyq. Balalar qarańdarshy bizge «Álippe» elinen hat kelipti. Ózi qandaı úlken jáne aýyr eken. Ne dep jazyp jibergenderin kóreıik pe? Jaqsy qazir aqyryn ashaıyn:
«Sálemetsińder me, daıarlyq «A» tobynyń balalary! Biz «Álippe» eliniń patshasy Daýyssyz dybys jáne hanshaıymy Daýysty dybys senderge qýanyshty habar jetkizbekpiz. Búgin senderge sabaqtyń sońynda syılyq jiberemiz. Biraq bul syılyqqa sender laıyqtysyńdar ma? Ony myna tapsyrmany oryndasańdar ǵana kóz jetkizemiz»,- dep jazyp jiberipti.
- Qarańdarshy patsha men hanshaıym jazyp jiberipti. Syılyqty alaıyq. Ol úshin tapsyrmany oryndaımyz ba?
- Qandaı bolsyn tapsyrmany, oryndamaı qoımaımyz.

Qaıtalaý.
- Jaqsy, onda 1 - tapsyrma. «Balalar sender qandaı áripter týraly tappaqtar bilesińder?»
- Balalar bul endi ońaı tapsyrma. Qane ótken sabaqtardaǵy áripterdi qaıtalap esimizge túsireıik:

1. Aıaýly arý – Almaty,
Alataý asqaq aıasy.
Alqabynda ataqty,
Alqyzyl aport almasy. (A áripi).
2. Paı - paı, pildiń kúshtisi - aı,
Pil paıdaly úıretken,
Para - par ol kranǵa,
Bóreneni súıretken. (P áripi)
3. Sońynda ol aıdyń da,
Sońyn da ol taıdyń da.
Turady ol ortada,
«Aıbyn» menen «aıdynda». (I áripi)
4. Aıyrǵa azdap uqsaıtyn,
Saby joq, biraq ustaıtyn,
Taraqty eske salatyn,
Qaısy árip, kim bar tabatyn? (Sh áripi)
5. Túsi sary súıkimdi,
Dámi qyshqyl bir túrli.
Ashshy deı de almaısyń,
Shekersiz jeı almaısyń. (Lımon. L áripi)