InfoHub Logo

Atyraý oblysy,
Isataı aýdany, H. Naýbetov atyndaǵy
orta mekteptiń bastaýysh synyp muǵalimi.
Sharbaný Nurmasheva Nasyrqyzy

Sabaqtyń taqyryby: Ó dybysy men árpi

Sabaqtyń maqsattary:
1) Bilimdilik: Ó dybysy jáne árpimen tanystyrý. Onyń aıtylý ereksheligin aıtyp ótý jáne jazylý jolyn úıretý.
2) Damytýshylyq: Ó dybysymen baılanysty tapsyrmalardy oryndaý, oqýshylardyń oı - órisin, oılaý qabiletin damytý.
3) Tárbıelik: Kórkemdikke, ádeptilikke baýlý.
Sabaqtyń ádisi: Túsindirý, oıyn, suraq - jaýap, tanymdyq oılaý, taldaý, toptaý, ınteraktıvti.
Pánaralyq baılanys: Ana tili, dúnıetaný.
Kórnekiligi: Ó árpiniń baspa jáne jazba túri, sújetti sýretter, teksheler, kespe áripter t. b.
Sabaqta meńgeretin sózder: Órmekshi, órik, shóp, tól, óris.
Tehnıkalyq qural: Kompúter, mýltımedıalyq keshen.

Sabaqtyń barysy: 1. Uıymdastyrý kezeńi.
Psıhologıalyq daıyndyq.
Qara dostym, jan - jaqqa
Daıynsyń ba sabaqqa?
Ornynda ma qarańdar,
Kitap, dápter, qalamdar?

2. Ótken sabaqqa sholý.
«Býyn ustaý» oıyny.
Sharty: Doppen oınalady. Ózim alǵashqy býynyn aıtamyn, dop alǵan oqýshy sózdi aıaqtaıdy.
Án...(shi), dá...(ri), á...(tesh).
Olaı bolsa, á dybysy daýysty ma, daýyssyz ba? Tekshemizden kórsete qoıalyq. (daýysty, jińishke)

3. Jańa sabaq.
«Oı shaqyrý» Jumbaq jasyrý.
Shólde bar,
Sýda joq.
Kólde bar,
Býda joq.
Balalar ó dybysy deıdi. Shól, kól sózderine dybystyq taldaý jasap ótý.
Olaı bolsa, balalar búgingi bizge keletin jańa árip Ó dybysy men árpi.
1. Kórnekilik boıynsha ó árpiniń baspa jáne jazba túrlerimen tanystyrý.
Ó árpiniń baspa, jazba túrlerimen tanystyrý.
Ó árpi qaı áripke uqsaıdy? (O)
«Sóz oıla, kóp oıla» oıyny.
Ó árpinen bastalatyn sózderdi tez aıtý. (óris, ógiz, órik, órmekshi, óshirgish, ózen)
2. Jańa sózdermen jumys.
sól -
shól –
tól – jańa týǵan maldyń balasy
ómir –
óris –
óńir –
Túsinik berip ótý, hormen sózderdi aıtý.
Órmekshi sózine dybystyq taldaý jasap, býynǵa bólý. Ór - mek - shi.
(bári aldaryndaǵy tekshelerden kórsetip otyrady)
3. Sergitý sáti. «Shójelerim» áni.

4. Oqýlyqpen jumys.
1. Shyryn sózine toqtalý.
2. «Shyryn» taqyrybyna berilgen mazmundy sýret boıynsha áńgime qurastyrý.
3. Muǵalim mátindi oqý, dámdi, tátti sózderin qyshqyl, ashshy, tushshy sózderimen maǵynalas ekenin aıtyp ótý.

5. Oqýshylarǵa mátindi oqytý.

6. «Oılan tap!» oıyny.
1. Bir árip bar, keı bala
Aıtamyn dep búldirgen
Oqı almaı shúldirlep
Joldastaryn kúldirgen.
Bul qaı árip? (r)
2. Jumyrtqadaı dóńgelek
Ketpeıdi biraq dóńgelep
Bul qaı árip? (O)
3. Álde tolǵan Aı ma eken
Álde úrgen shar ma eken
Belinde bar beldigi
Bundaı árip bar ma eken? (Ó)

7. Jazý jumysy.
Qolǵa qalam alaıyq,
Ádemi etip jazaıyq.
1. Aýada jazý.
2. Taqtaǵa jazý. (Ó ó)
3. Úlgi dápterge jazý.

8. Taqpaq. Mýltımedıalyq keshen arqyly taqpaqty oqý.
«Ó»- degenim, Órik
Órikti al terip!
Óziń ǵana jemeı,
Órkenge ber bólip,
1. Oqýshylarǵa taqpaqty hormen oqytý.
2. Taqpaq ne týraly, búgingi jańa árip taqpaqta kezdesti me?
3. Órik sózine toqtalý. (órik - tátti jemis)

9. Sabaqty qorytyndylaý maqsatynda «Parovoz» oıyny.
Oıyn tártibi: Oqýshylar tórtburyshtyń ornyna, dybystardyń úılesimine sáıkes áripter qoıyp oqý.
Or -...(ór) oń -...(óń) tol -...(tól)

10. Baǵalaý. Jaqsy jaýap bergen oqýshylarǵa juldyzshalardy berý.
11. Úı jumysyn berý.
1. Shyryn mátinin oqý.
2. Dámdi, tátti sózderine býyndyq, dybystyq taldaý jasaý.