InfoHub Logo

Qyzylorda oblysy,
Qazaly aýdany, Qazaly aýyly,
№9 «Balaýsa» balabaqsha tárbıeshisi
Shynar Múberekova

Kıeli, qasıetti týǵan jerim.

Kıeli, qasıetti týǵan jerim,
Ózińnen búrshik jaryp kóktep edim
Ómir degen asýly uly jolda
Dem berip qoltyǵymnan demep ediń.

Men seniń qudiretińe bas ıemin
Ata - babam tirshilik etken jerim
Urpaǵymyn deı alam keýde kerip
Jalańtós, Janqojadaı kıeli eldiń.

Talaı ǵasyr shyndyǵyn artqa tastap
Ózińdi alpaýyttaı asqaq ustap,
O, týǵan jer kelesiń tótep berip
Kezdesse de aldyńnan qıyn soqpaq.

Tarıhtyń taǵylymyn da tarazylap
Qaldy ma júregińde nebir syzat
Adam qoldan jasaǵan azapty aıtsam
Alǵandaımyn jarańnyń aýzyn tyrnap

Tabıǵatyń búgin joq tamsandyrǵan
Talaı qusqa shyrqatyp án saldyrǵan
Ǵarysh kókke samǵaǵan zymyrandar
Adam kózin ashqyzbas shań men qumnan

Jeriń azyp bara ma aǵymǵa oraı
Ózgerdi me álde bul zaman qalaı
Jasyl jelek oranǵan kókoraı bel,
Túsimizge kire me saǵymdardaı.

Áli de bolashaqtan úmit kútem
Kıeli, qasıetti shabytty ólkem
Ata - baba rýhynyń aldynda men
Týǵan jer keshirshi dep tize búgem.
11. 05. 2005j

Aralym endi bizge ertegisiń.

N ege erte sýaldyń janym Aral,
Qaljyraǵan elińniń háli jaman.
Tolqynyńda terbelgen kemeleriń,
Jetim qozy kúzekte mańyraǵan.

Erik bermes tolqynyń jaǵaǵa uryp,
Kókke shapshyp balyǵyń asyr salyp.
Kóz tıdi me, bul kúnde bolmaǵandaı,
Kólshik ǵana, teńiz joq kózden ǵaıyp.

Eki ózendi jatatyn birdeı emip
Kúnnen kúnge barasyń jerge sińip
Eliń kókten suraıdy qolyn jaıyp
«Keler Aral», «Oralar» degen úmit.

Nege erte sýaldyń janym Aral,
Men ózińdi qaı jerden taýyp alam
Azamatpyz deımiz - aý keýde kerip
Jan ekenbiz ýyzǵa jarymaǵan.

Bárin qoldan jasadyq bilip turyp
Bermedik kóz bilgenge jáne yryq
Ne jazyǵy bar edi Aralymnyń
Elge baılyq, jerime bergen kórik.

Ne shara endi barmaq tistegenmen
Aralym máńgi bizge ókpelegen
Júrekke qorǵasyn bop quıylatyn
Aqynmyn aqıqatqa san shóldegen.

Aralym endi bizge ertegisiń
Bolmaǵandaı tolqynyń, óktem kúshiń
Sen jaıly ne aıtamyz jas urpaqqa
«Jaýap joq» uıalamyn erteń úshin
Sharq uryp shaǵalańdaı izdep ótsem
Jyryma qulaq túrip oralar ma
Aralym baýraıyńa aqqý qusyń.

Jasqa ósıet
Ákeniń baq dáýleti azyq bolmas
Perzenttiń ataq - dańqqa jetýine
Sózdiń de baıybyna túsinbeseń
Ketersiń báz bireýdiń jeteginde

Ómirdiń buralań jol soqpaǵy kóp
Syn joldan ázázilge burylmaı ót
Eńbek etseń jıylar mal - dúnıe
Boı aldyrma, enjarlyq jaman ádet

Abyroıdan aırylmassyń dúnıe úshin
Kóz toımaıdy, taýsylmas kem - ketigiń
Qyzǵysh qustaı qorysań mal - múlikti
Dos túgel, bezip keter bar týysyń

Qol ushyn ber qınalǵan azamatqa
Ne kelip ne ketpeıdi jumyr basqa
Kúni erteń ne bolaryn bilmeıdi adam
Qazanyń ortaımaıdy bir qol asqa.

Baq - dáýlet máńgi turmas bir basyńda
«Úp»etse ushyp keter qas - qaǵymda
Qýanyshty qaıǵyny bólisetin
Qasyńa dos pen baýyr, týys jına.
4. 02. 2006j

Bir ókinish, bir úmit.
Bir ókinish, bir úmit
Tynym bermec sanaǵa
Synaǵy kóp ǵumyryń
Túser me bir arnaǵa.
Jastyq tánniń jasyly,
Boıdaǵy qan tasýy
Tótep bermes qamalǵa.
Qımassyń sen taǵdyrym
Jasyq jandy jamanǵa
Osal bolmaı ómirde
Amalda sen amalda
Túsingenge bilgenge
Qudaı da jaq adamǵa
«Taǵdyrym qıyn boldy»dep
Tizgindi berme aramǵa
Bir ókinish, bir úmit
Kezek keler adamǵa.
Tóze bilseń jetersiń
Oılaǵan maqsat armanǵa
Osyny dosym aıtty dep
Berik usta sanańda
Sabyr túbi - sary altyn
Sabyrlyq kerek adamǵa.
17. 11. 2006j

Óleńim
Óleń - meniń jan dosym janashyrym
Óleń - meniń rýhanı bar asylym
Óleń - meni pák joldan taıdyrmaıtyn
Óleń - meniń qadamym basatuǵyn

Óleń - meniń armanym jeteleıtin
Óleńmenen órge men órmeleımin
Óleń meniń sábıim besiktegi
Óleń meniń ǵashyǵym erkeleıtin

Óleń - meniń ómirim alǵa bastar
Óleń ǵana sergitip kóńildi ashar
Óleń meniń jyr kemem týra júzer
Tuńǵıyqtan talpyntyp alyp shyǵar.
16. 08. 2007j

«Elim» dep shyqqan alańǵa.
Qanshama jastyń arman baqytyn quıynǵa orap,
Qanshama jasty kóz jasymenen, qanyna boıap,
«elim» dep shyqqan, «jerim» dep shyqqan alańǵa jastar
jazyqsyz edi - aý, jazyqsyz ketti - aý óńkeı jas bozdaq.

Qanshama ýaqyt búrkeýli jatqan júrektiń dertin,
Jetkizgen ýaqyt basatyn sol kún ózektiń órtin.
Úmitpen shyqqan, senimmen shyqqan alańǵa jastar
Alsaq dep qolǵa erteńgi eldiń erkindik kiltin.

Ne kórdi olar qarýly jasaq qaptaǵan,
Jazyqsyz jandy bir jan joq sol sát jaqtaǵan.
Qazaqtyń naǵyz Qarakózi men Qambaryn
Tabanǵa salyp, tepkige alyp taptaǵan.

Ne kórdi olar, ómirden myna ne kórdi,
On segizbenen ne bári jıyrma birde edi.
«Elim» dep shyqqan, «jerim» dep shyqqan jastardy
Ultshyldar men nashaqorlarǵa teńgerdi.

Ýaqyt emshi jıyrma jyl qys pen jaz ótti,
El qurmetter qurban bolǵan erlerdi.
Qazaq úshin ketpes máńgi tańdaıdan
Jeltoqsanda tógilgen jastyń kermegi.
15. 12. 2006j

Ómirde órge aǵatyn ózen ediń.
Qoryqpaǵan ol eshkimnen, eshteńeden
Ajaldaı nóserlegen oqtandaǵy.
El úshin tigip ózin qurbandyqqa
ádildikti ańsaǵan onyń jany.

Mahambet pen Maǵjandaı qaısar aqyn
Eliniń erteńine bolǵan jaqyn.
El esinde aıtylǵan aqtyq sóziń,
El aýzynda erligiń Qaırat atyń.

Aqyn boldyń elińe jaqyn boldyń
Jasta bolsań oıladyń el taǵdyryn
Temir tor, temir tósek, tar qapasta
Aýzyńnan tastamadyń el uranyn.

Ómirde órge aǵatyn ózen bolsa,
Teńer em men ózińdi sol ózenge
Sen jetpediń degenmen eliń jetti
Qapasta sen ańsaǵan aq sáýlege.

Qazaqtyń qaıta týmas Qaırat uly
Ózekti tilip túser ótkir tildi.
Rýhyń bıik seniń eliń úshin
Júrgeısiń aqyndyqta jebep bizdi.
15. 12. 2007j

Qazaqtyń bir qyzymyn.
Qazaqtyń bir qyzymyn ana kórgen,
Júrekke sezim otyn jaǵa bilgen
Qýanyshyn, shattyǵyn bir bólisip
Qaıǵysyn qarsy kelgen dara kórgen.

Qazaqtyń bir qyzymyn súıe bilgen
Otyna mahabbattyń kúıe bilgen
Jar qushyp bala súıip ómirinde
«Ana» degen ataqty ıelengem.

Qazaqtyń bir qyzymyn syılaı bilgen,
Úlkendik ósıetke qulaq túrgen.
Jamandyq, qıanatqa úlke qarap
Jaqsynyń jan sulýyn jınaı bilgen

Qazaqtyń bir qyzy bop aqyn bolsam
Elimniń erteńine jaqyn bolsam
Qýanam kúlip atqan ár tańyma
Qazaq bop týǵanymdy maqtan tutam.
7. 03. 2005j.