InfoHub Logo

Ómir – adamǵa bir-aq ret beriletin baǵa jetpes qymbat syı. Osy sózdiń astarynda úlken maǵyna, tereń syr jatyr.

Ómirdiń máni jaıly árkim ár qıly oılaıdy. Men  úshin ómirdiń máni - osy bizge berilgen syıdy baǵalaı bilý, aıalaı bilý, ardaqtaı bilý.Ómirdiń máni adaldyq, adamdyqta.Bir kúndik ómirdiń máni bolmaıdy.Men ár kesh saıyn ózimniń ótken bir kúnime taldaý jasap, saralaımyn.Durys emes jerlerimdi túzep, kelesi kúni ol qatelikterimdi qaıtalamaýǵa tyrysamyn.Bastysy, sol qatelikti ýaqytynda bilip otyrý kerek dep oılaımyn.

Keı kezderi bireýlerdi ósektep, ıa bolmasa keı ósekterge senip jatamyz.Onyń shyn ne ótirik ekenin saralap bas aýyrtpaımyz.Al ózge emes, ózimizge bir ret bolsa da synı kózben qarasaq, ómir anaǵurlym mándi de maǵynaly bolar ma edi dep oılaımyn.

Ómir – syrǵa toly qyzyq álem. Júrekke birde qýanysh syılap, shattandyrsa, birde eriksiz muńǵa bóleıdi.Ómir – ǵajap, ómir – tátti! Ómir sulýlyq pen úılesimdilikti talap etedi, adam men adamgershilikti qalaıdy.Biraq biz osy jalǵan dúnıeniń qadirin bilemiz be? Qaıtalanyp kelmeıtin, Allanyń bergen syıyn adamgershilik, ımandylyqpen nege ótkizbeske? Ǵajaıyp ómirdi adamdardyń nege jaqsy kórmeıtinine tań qalamyn.Aınaladaǵy adamdarǵa qarasaq, báriniń óz ómiri, tirligi bar.Bireýi qınalady, bireýi qýanady, bireýi dúnıege kelip jatsa, endi bireýi qabirde jatady.Keıbir adamdar osynyń bárin bile tura, Allanyń synaǵyna shydamaı, «Men sharshadym, ómir súrgim kelmeıdi» deıdi.Qandaı jaǵdaı bolmasyn aqyl-oıymyzben, sabyrlylyǵymyzben jeńe bilýimiz kerek.Adam ómiri jeńis pen jeńilisten,sátsizdikten, qaıǵy men qýanyshtan quralady.Mine, ómirdiń ózi bile bilsek, sonysymen qymbat.Ómirde bári ótkinshi.

Iá, ómir, ómir, ómir...Allah adamǵa ómirdi tek bir ret qana beredi, sol arqyly adamnyń bul ómirde jasaǵan jaqsylyǵyna, adamgershiligine, ózi aldansa da eshqashan ózge adamdy aldamaı, adal bolsa ǵana ómirde shynaıy  baqytqa jetkizedi.Ómirde basyńa qandaı qıynshylyq tússe de, soǵan tótep berip, shydamdy, sabyrly bolyp, sol qıyn kezeńnen shyǵa bilsek, bul bizdiń úlken jeńisimiz.

Árıne, ómir joly – dańǵyl emes.Óri de, yldıy da jeterlik.Ómir synynan súrinbeı ótý – ár adamzattyń paryzy.Árbir adam ańsaǵan armanyna jetý úshin ómir boıy kúresedi.Talaptanady, talpynady.Ómirdiń bir «kirpishi» bolyp qalanýǵa bar ynta-jigerin salady. «Adam bolyp qalý úshin ǵalamda, úlken arman kerek eken adamǵa» dep, Muhtar Shahanov atamyz jyrlaǵandaı, adamǵa qanat bitiretin ol – oı-qıaly, maqsat-múddesi.Armansyz, maqsatsyz adam jaryqsyz úńgirmen teń.Ómirge kelgesin, artymyzda óshpesteı iz qaldyrmasaq ta, adamgershilik pen rýhanı qundylyqtardy umytýymyzǵa bolmaıdy.

Ómir ózen tárizdi toqtaýsyz, eshkimge bildirmeı ótip jatady. «Kóp adam óziniń ómirge ne úshin kelgenin, ne úshin ómir súrip jatqanyn bilmeı ótip jatyr.»  dep, Djan jazǵandaı, sol ózen aǵynynda keıbir jan óz arnasyn taýyp jatsa, keıbireýleri bastaryn tasqa da, jarǵa da uryp, óz jolyn taba almaı jatady.Sońǵysy, árıne, ókinishti-aq.

Ómir – kúres.Eń bastysy «dúnıe alma-kezek» degendeı, jalǵandaǵy barsha qıyndyqtyń ýaqytsha ekenin uǵynyp, «ómir» atty kemede qataryńnan qalmaı, jolyńda kezdesken qıyndyqtardyń barlyǵyn da jeńe bilý kerek.Sonda ǵana biz ómirdiń ǵajaıyptylyǵyn sezine alamyz.Meniń túsinigimshe, ómir – teńdesi joq, qudiretti kúsh ıesiniń bizge usynǵan syılyǵy.Qamshynyń sabyndaı ǵana qysqa ǵumyrdy baıandy da baqytty ótkizgenge ne jetsin, shirkin!

---