InfoHub Logo

Altaı boıyn meken etken Qarataı elinde ótken ǵasyrda Ómir degen batyr bolypty. El ishinde bolyp turatyn daý-janjal qaqtyǵystarda sóz  bermegen Ómirge aýyl arasyndaǵy oıyn-toıda qurby-qurdastarynyń eshqaısysy da qarsy kelip, kúsh synasa almaıdy eken. Zamandastary  Ómirdi ázil-qaljyń sózben jyqpaq bolyp aqyldasypty da, bir kúni jurt jınalyp otyrǵanda, esikten kirip kele jatqan Ómirdiń eteginen bir qý  jigit «ars» etip ala túsipti. Qapersiz kele jatqan Ómir qapelimde ony ıt eken dep oılap, selk ete túsedi. Sonda otyrǵan jigitter dý kúlip:

— Seni jurt batyr desedi, anyq qoıan júrektiń ózi ekensiń ǵoı, «aýp» degende selk etip, qulap qala jazdadyń, — depti.

Sonda Ómir:

— Sender qyzyqsyńdar, jaqsy at úrikpeı me eken? — dep jurtty kidirtip tastapty.

---