InfoHub Logo

Bir kisi ómir-ómine ótirikke eshkimdi aldyna salmaǵan sýaıt eken. Bul kisi balasyn baýlyp ózindeı ótirikshi qylypty. Balasy ákesinen de ótirikke astam bolypty. Ákesi balasynyń asqandyǵyn barlaıyn dep bir kúni dóńde turyp balasyna jorta:

— Balam, kózim jetińkiremeı tur, anaý qabaqtaǵy bul dyraǵan kıik pe? — dese, balasy:

— E, anany aıtasyz ba? Ol kıik emes, arqar eken, baýyrynda eki qozysy emip tur, — depti. Ákesi:

— Qyrqanyń jelkesinen barsaq, jaqyndap kórgendeımiz, — dese, balasy:

— Áı, áke-aı, ábden-aq kózińizdiń janary ketken eken ǵoı. Osy turǵan arystandaı arqardy kóre almadyńyz ba? Arǵy qyrqanyń berisinen, bergi qyrqanyń arysynan baspaǵa barsaq, qaq jelkesinen shyǵamyz, — depti de, ákesin jiberipti. Ákesi shyn nanyp aıtqan jerimen baryp qarasa, arqar túgil túk te joq eken. Artynan kelgen balasyna ákesi:

— Qane, balam, arqaryń? — dese, balasy:

— Arbańdap qashqanyn da kórmeı qalyp pa edińiz, kózińiz ábden boldyraǵan eken, — depti. Sonda ákesi:

— Balam, ótirikke baýlýyń ábden jetken eken, ózimnen asqan ekensiń, — dep batasyn beripti.

---