InfoHub Logo

«Ómir sen maǵan qymbatsyń» trenıń
Maqsaty: «Ómir», «baqyt» uǵymdaryna tereńirek úńilýge yqpal jasaý;
Ózinde bar qundylyqtardy baǵalaı bilýge úıretý;
Baqytqa qol jetkize alatynyna senim týǵyzý;
Ómirge qushtarlyqtaryn arttyrý;
Qural - jabdyq: qaǵaz, qalam
Synyby: 8

Uıymdastyrý kezeńi:
Oqýshylarmen sálemdesý
Kóńil - kúılerin suraý
Oıyn erejesi
bir - birin tyńdaý
ýaqyt únemdeý
belsendilik tanytý
dostyq qarym - qatynas
jaǵymdy emosıa týdyrý

Barysy:
Barlyq oqýshylar dóńgelenip otyrady.
Oqýshylar óz attaryn jáne óziniń ómirlik ustanymdaryn aıtady.
Mysaly:- «Ómirdiń aǵymynan qalmaý»
-«eshqashanda bilmeımin demeý»
-«qasyndaǵylarǵa kómektesý»
«Bıik shyńǵa umtylý»
Oqýshylarǵa aıaqtalmaǵan sóılem beriledi
Oqýshylarǵa aıaqtalmaǵan sóılemdi jalǵastyrý usynylady(paraq taratylady) taqtada sóılemniń basy jazylǵan:
Ashyq aıtqanda, maǵan áli qıyn...
Ashyq aıtqanda, men úshin óte qymbat...
Ashyq aıtqanda, maǵan unamaıdy...
Ashyq aıtqanda, men qýanamyn...

Psıholog:
- Biz barlyq adamǵa oıymyzdy ashyq aıta alamyz ba?
- qoldaryńdy kóterińder, kimde senimdi dos bar?
Aýtogendi jattyǵý.
Trenıńke barlyq oqýshy qatysady.
Oqýshylarǵa minez týraly aqparat berý

Oqýshylar jupta jumys jasaıdy (bir - birleriniń jaǵymdy ári jaǵymsyz minez ereksheligin aıtady)

Oıynnyń sharty oqýshylarǵa bir paraq aq qaǵazdar taratylady. Taratylǵany aq qaǵazdy oqýshylar skochtyń kómegimen arqalaryna japsyrady. Arqalaryndaǵy japsyrylǵan aq qaǵazǵa bir - birleriniń boıyndaǵy jaǵymdy jáne jaǵymsyz minez ereksheligin jáne ystyq tilekterin jazady. Barlyǵy jazyp bolǵannan keıin, qaıtadan dóńgelenip otyryp, arqalaryndaǵy qaǵazdy alyp oqıdy.

Qaǵazdy jyrtpaı, ózderine estelikke qaldyrady.

Qorytyndy: Oqýshylar óz boılaryndaǵy jaqsy qasıetterin maqtan tutyp, jaman qasıetterin joıamyz dep bir - birlerine ýáde beredi jáne tilegen tilekterimiz oryndalsyn dep hoshemet kórsetip (qol soǵyp) trenıńti aıaqtaımyz. Oqýshylar búgingi sabaq jaıly óz oılaryn aıtyp, qoldarynan ustap tilek aıtyp sabaqty aıaqtaımyz.

Qyzylorda oblysy, Qazaly aýdany,
Aqsýat aýyly, №100 orta mekteptiń pedagog - psıhologi
Janabılova Aınur