InfoHub Logo

Taqyryby: On altynshy jeltoqsan
Maqsaty: On altynshy jeltoqsan jaıly maǵlumat berý. Ulttyq rámizderge toqtalý, halqymyzdyń ótkeni men búgingi kúnderine qysqasha sholý jasaý.
Tárbıeliligi: Qazaqstan Respýblıkasynyń táýelsizdikke jetken kúnderin kórsetý, eline, jerine degen súıispenshiligin arttyrý, patrıottyq sezimin oıatý.
Damytýshylyǵy: Oqýshylardyń alǵan bilimderin súıene otyryp, alǵan bilimderin odan ári damytý baǵytynda túrli suraqtar berý arqyly oı órisin damytý
Sabaqtyń túri: Jańa sabaq
Sabaqtyń ádisi: Kórnekilik, áńgimeleý
Kórnekiligi: Táýelsizdik monýmenti, rámizderi, el basynyń sýretteri t. b

Sabaqtyń júrý barysy
İ. Qyzyǵýshylyqty oıatý
Úı tapsyrmasyn suraý
1. Áńgime nelikten «Appaq bala» atandy?
2. Jýynyp, taza júrýdiń densaýlyqqa qandaı paıdasy bar?
3. Symbatty bolý úshin ne isteý kerek?

İİ. Maǵynany taný
- Qazir qaı aı?
- Jeltoqsan aıy
- Ia, balalar osy jeltoqsan aıynda qandaı merekeler bar?
On altynshy jeltoqsannyń Táýelsizdik merekesi. Táýelsizdik degen ne?

Kirispe sóz
1986 jyly jeltoqsannyń 16 – kúni tańerteńgilikte Qazaqstan Kompartıasy Ortalyq komıtetiniń 5 Plenýmy boldy. Plenýmdy SOKP ortalyq komıtetiniń hatshysy Razýmovskıı júrgizdi. Pleným ne bári 18mınýtqa sozyldy. D. Qonaevtyń ornyna Razýmovskııdiń usynysy boıynsha, buǵan deıin SOKP- nyń Ýlánovsk oblystyq komıtetiniń birinshi hatshysy bolyp istegen Respýblıkaǵa múldem beıtanys adam Kolbın taǵaıyndalady.
1986 jylǵy Almatydaǵy Jeltoqsan oqıǵasy qazaq topyraǵyna ulttyń sanasy, namysyn jetelegen jańa ári qaısar býynnyń kelgenin áıgileıdi.
Bizdiń jastar 1986jyly Jeltoqsan aıynda Almatyda ereýilge shyqty. Kóteriliske shyqqan jastar kóbinese, stýdentter edi. Jasaqshylar jastardy uryp soǵyp azaptady.
Bizdiń jastar táýelsizdik jolynda mańyzdy qadam jasady. Olar sol jolda qurban boldy. Olar kimder edi? Qaırat, Sábıra, Erbol, Lázzat (sýretterin kórsetý) Armandary tolyǵymen iske asty. Olardyń isteri bizge ónege. Qazaq eli óziniń táýelsizdigin aldy. Ókinishtisi qurban bolǵan bozdaqtardyń osy kúnge jetpeýi.
İİİ. Oqýlyqpen jumys
a) Óleńdi muǵalimniń mánerlep oqýy
á) Oqýshylarǵa ishteı oqytý
b) Daýystap, mánerlep oqytý

IY. Suraqtarǵa jaýap alý
a) Óleń ne týraly aıtylǵan? Táýelsizdik týraly.
á) Evrıstıkalyq deńgeıdegi suraqtar men tapsyrmalar
Táýelsizdik degendi qalaı túsinesiń?
Aqyn óleń arqyly senderge qandaı ósıet aıtqan?
Estisin el únińdi
Dúnıe túgel estisin,
Táýelsizdik týyndy
Bıik kóter, jas ulan! (T. Moldaǵalıev)

Y. Shyǵarmashylyq jumys
Táýelsizdik merekesi týraly sýret sal.
Balalar, biz bul Táýelsizdik kúnine alda toılaýǵa ázirlenip jatyrmyz. Ol kúni demalys berildi. Qalada (aýylda) kúshti merekelik sharalar ótedi.
Táýelsizdikke jıyrma úsh jyl boldy.

YI. Sýrettermen jumys
1. Táýelsizdiktiń belgisi (Altyn belgi, barys)
2. Býklet el rámizderi
3. 1991jyldan beri Qazaqstannyń jetken jetistikteri.

YII Oı tolǵanys Búgin neni úırendik?
- Sonymen, Táýelsizdik degen ne?
Táýelsizdiktiń bastaýy - Jeltoqsan oqıǵasy boldy. Táýelsizdiktiń - qudiretti,
Ardaqty uǵym. Ata - baba erligi - halyq murasy, onyń tarıhy, maqtanyshy.

YIII. Sabaqty bekitý
Terbetip tursa boldy jer besigim,
Dáýlettiń tileımin kól kósirin.
Kóz tımeı, kirbiń túspeı qabaǵyńa
Jalǵyz aq qutty bolǵaı endi osy kúni!
IX Baǵalaý. Sabaqty Ánuranmen aıaqtaý.