InfoHub Logo

Maqsaty: balanyń sıpap sezý, estý sezim músheleriniń damýyna kómektesý, usaq qol motorıkasyn damytý.

Túri: trenıń

Ádis - tásilderi: oıyn, jeke jáne toptyq jumys

Uıymdastyrý reti:

1. Shattyq sheńberi:

2. «Meni tap» oıyny

3. Jeke balamen jumys jasaý (ár balaǵa jeke tapsyrma berý)

4. «Aǵash japyraqtary»

1. Shattyq sheńberi.

Saýsaq jattyǵýlary

Shynjyr. Oń jáne sol qoldaǵy basbarmaqpen balanúırek saýsaqtary túıisip, júzikter sekildi aıqasyp, shynjyr jasaıdy.

Pil: oń qol alaqany jaıylyp turady. Sol qol saýsaqtary bas barmaq pen kishkene bóbek artqy aıaǵy bolsa, balanúırek saýsaq pen shyldyr shúmek saýsaq aldyńǵy aıaqtar, al ortańǵy saýsaq pildiń tumsyǵy.

Dop: alaqandar bir - birimen jabysady. ( dop pishinin jasaıdy).

Gúl: qoldar, saýsaqtar joǵary qaraıdy. Alaqandar aıshanaqpen qosyla túpteri ózara janasady. Saýsaqtar ashylady. Osy jattyǵýlardy oryndaı otyryp, myna óleń joldaryn aıtady.

Saýsaqtar shynjyr bolady,

Úzilmeıdi tartsań da,

Al, pil kelip shynjyrdy,

Úzip ketti basqanda.

Tumsyǵymen dop izdep,

Oınaǵysy kelip tur.

Dostyq úshin pilge men,

Gúl syılaǵym kelip tur.

2. «Meni tap» oıyny

Maqsaty: sıpap sezý arqyly tanym úrdisin damytý.

Nusqaýy: balalardyń aldyna kartochkalar men ishinde ártúrli daqyldar jasyrylǵan sharlar men kapsýlalar taratylady. Balalar sol sharlardy ustap qaraý arqyly jáne kapsýlalardy qozǵaý arqyly ne bar ekenin anyqtap kartochkaǵa sáıkestendirip qoıýy kerek. Ol kapsýlanyń ishinde: seker, tıyn, monshaq, t. b. jasyrylady.

3. Jeke jumys: Ár balaǵa jeke jumys taratylady.

1. Jipke ilgek pen monshaqtardy tizý;

2. Jarmalardy sáıkestendirý;

3. Makarondardy jipke tizý (2 bala birge jasaıdy);

4. Jarmany voronkaǵa qasyqpen quıý;

5. Shar men kapsýladaǵy jasyrylǵan zattardy tabý (2 bala birge jasaıdy);

6. Burshaqty jarmadan súzip alý;

7. Makarondy túsine qaraı bólý (2 bala birge jasaıdy);

4. «Aǵash japyraqtary»

Maqsaty: usaq qol motorıkasyn damytý.

Kórnekiligi men quraldary: Aǵashtyń sýreti, jelim, aǵashtyń shablony, jarma.

Nusqaýy: Aǵashtyń shablonyn paıdalanyp jelimdi qylqalammen jaǵyp, ústine aldyn ala boıalyp daıyndalǵan jarmany sebemiz.

Kútiletin nátıje:

- Ikemdiligi artady;

- Balanyń sóıleý tili jetiledi