InfoHub Logo

«Ónerli eken on saýsaq» varıatıvti sabaq mektepaldy daıarlyq synyby

Túsinik hat
Mektepaldy daıarlyq synybyna arnalǵan 32 saǵattyq «Ónerli eken on saýsaq» varıatıvti sabaǵy avtorlyq baǵdarlama. Bul baǵdarlama ádistemelik birlestikte qaralyp, mekteptiń pedkeńesinde (28. 08. 2013j. hattama №1) bekitilip, aýdandyq bilim bóliminiń ádistemelik keńesinde kelisildi.
Bul qurylǵan baǵdarlama «Koleksıa ıdeı» Reseı jýrnaldary, «Aıgólek» jýrnaldary qoldanyldy. Atalǵan eńbekte balalardyń jas erekshelikterin eskere otyryp, kórkem japsyrý, qol eńbegi, beıneleý ónerine úıretýdiń ádisteri men joldary usynylyp otyr. Kórkemdik tárbıe berýde balalardyń estetıkalyq sezimderi, kórkemdik talǵamdary, qorshaǵan ortany kórkem oı arqyly qabyldaý jáne minez - qulyq mádenıet daǵdylary qalyptasady. Tabıǵı materıaldarmen jumys jasaý - balalardyń qıalyn damytýǵa, shyǵarmashylyqpen eńbek etýge yqpalyn tıgizedi. Ózderi jasaǵan jumystaryn bir - birine syılyq etip usynýǵa, merekelerde ata - analaryna, dostaryna syıǵa tartýǵa, top bólmelerin bezendirýge qolaıly. Ári mundaı jumystyń tárbıelik máni zor.

Maqsaty:
Balalardy túrli materıaldarmen jumys jasaýǵa daǵdylandyrý;
Saýsaq bulshyq etterin damytý;
Kórkemdik talǵamdaryn jáne shyǵarmashylyq qabiletin damytyp, ónerdegi ásemdikti sezinýge, eńbeksúıgishtikke tárbıeleý.

Mindetter: kompozısıa jasaýdy, zattardy qaǵaz paraǵyna ornalastyrýdy úıretý, jalpy túske baılanysty boıaýlardyń ádemi úılesýin tabý, músindeýdiń alýan túrli ádis - tásilderin úıretý.

Kútiletin nátıje: sýret salýǵa qyzyǵýshylyqtary artady, saýsaq bulshyq etteri jattyǵady,
tabıǵı materıaldardy qoldanýǵa úırenedi, estetıkalyq talǵamy damıdy, oı - órisi keńeıedi.

Baǵdarlama
1. Ushaqtar (búkteý) 1saǵat. Qaǵazdan búkteý ádisin túsindirip, daıyndaý.
2. Aqqýlar (qol eńbegi) 1saǵat. Qaǵazdyń túrlerimen tanystyrý, uqypty jumys isteý daǵdylaryn qalyptastyrý.
3. Sıyr (sýret salý) 1saǵat. Sýret salýǵa qyzyǵýshylyǵyn arttyrý, qaryndashty oń qolymen ustaýǵa úıretip jattyqtyrý.
4. Parovoz (músindeý) 1saǵat. Músindeý barysynda shaǵyn kólemdi kesek esý ádis - tásilderin túsindirý.
5. Átesh pen baqa (japsyrý) 1saǵat. Balalarǵa túrli - tústi qaǵazdardy tanystyra otyryp, úlgilerin bastyryp qıý. Qaǵazben jumys jasaý iskerlik - daǵdylaryn qalyptastyrý.
6. Altyn balyq (qol eńbegi) 1saǵat. Qaǵazben jumys jasaý daǵdylaryn jetildirý. baıyn bolǵan jumystaryn áshekeıleý arqyly kórkemdik tárbıe berý.
7. Qaıyq (búkteý) 1saǵat. Búkteı jasaı bilýge úıretý.
8. Qashqargúl (astra) (músindeý) 1saǵat. Músindeý arqyly balalardyń qol ıkemdilikterin arttyrý.
9. Betperde jasaý (qol eńbegi) 1saǵat. Úlgi boıynsha balalar betperde jasaıdy. Sýboıaqpen jumys jasaýǵa daǵdylandyrý.
10. Arystan (japsyrý) 1saǵat. Túrli qaǵazdardan arystan beınesin bastyryp japsyrý.
11. Aqqala (qol eńbegi) 1saǵat. Óz qolymen buıym jasaýǵa qyzyǵýshylyǵyn arttyrý. Qıyp alynǵan bólshekterdi ádemi ornalastyryp bekitý.
12. Úırek (músindeý) 1saǵat. Tuzdy qamyrdy uqypty paıdalaný. Qol ıkemdilikterin arttyrý.
13. Túımedaq (búkteý) 1saǵat. Búkteý ádis - tásilderdi túsindirip
14. Qysqy kıim (qol eńbegi) Matanyń sapasymen, tiginshiler eńbegimen tanystyryp, eńbek týraly maqal - mátelder jattatý.
15. «Tasbaqanyń sýretin salyp úırenemiz» (sýret salý) 1saǵat. Sýret salýǵa qyzyǵýshylyqtaryn arttyrý, uqypty boıaýǵa jeteleý.
16. «Dosyma syılyq» (músindeý) 1saǵat. Músindeý barysynda shaǵyn kólemdi kesek esý ádis - tásilderin kórsetý.
17. «Qalampyr» (qol eńbegi) 1saǵat. Qaǵazben ártúrli jumys daǵdylaryn jetildirý.
18. «Tatý januıa» (músindeý) 1saǵat. Jasaǵan músinderin tıisti boıaýlarmen boıaý.
19. «Qońyraýgúlder» (sýret) 1saǵat. Sýret salýǵa qyzyǵýshylyǵyn arttyrý, qaryndashty oń qolymen ustaýǵa úıretip jattyqtyrý.
20. «Qoıandar» (búkteý) 1saǵat. Túrli búkteý ádis - tásilderin úıretý.
21. «Molshylyq, bereke»(túrli materıaldar) 1saǵat. Túrli materıaldarmen jumys jasaýǵa, qaýipsizdik erejelerin saqtaýǵa daǵdylandyrý.
22. «Napoleon balapan» balapan (qol eńbegi) 1saǵat. Balalardy ıne - jippen jumys jasaýǵa jattyqtyrý.
23. «Baqa» (búkteý) 1saǵat. Qaǵazdardy búkteý tásilderin jasap jattyǵý.
24. «Anamyzǵa syılyq» (qol eńbegi) 1saǵat. Tústi qaǵazdardan gúl qurastyrý. Analaryna syılyq daıyndaý.
25. «Baq - baq» (qol eńbegi) 1saǵat. Balalardyń ynta - yqylasyn arttyrý, kóterińki kóńil - kúı týyndatý.
26. « Kólde júzgen aqqý» (músindeý) 1saǵat. Tuzdy qamyrdy uqypty boıaý. Qol ıkemdilikterin arttyrý.
27.« Qaıyqsha» (búkteý) 1saǵat. Qaıyqshany túrli qaǵazben búkteý tásilderin jasaýǵa jattyqtyrý.
28. «Balyqtar» (músindeý) 1saǵat. Saýsaq ıkemdilikterin ári qaraı jattyqtyrý. Túrli pishinderdi músindeý.
29.« Gúlder álemi»(sýret) 1saǵat. Balalardyń boıaýmen sýret salýǵa qyzyǵýshylyǵyn arttyrý. Dóńgelek zatty túrli baǵyttaǵy túzý syzyqtarmen úılestirip salý.
30. «Jańǵaq aıýlar» (qol eńbegi) 1saǵat. Ártúrli materıaldardy biriktirip, aıýlar beınesin jasaýǵa úıretý. Dene bólikterin biriktirip, jelimdeý, balalardyń oı - qıalyn damytý.
31.«Alqaptaǵy gúlder» (japsyrý) 1saǵat. Kóktem gúlderin jınaqtap, keptirip japsyrmalaý.
32. Kórme uıymdastyrý Ata - analaryna arnap kórme uıymdastyrý