InfoHub Logo

Ońǵarsynova Farıza 1939 jyly Atyraý óńirindegi Manash aýylynda dúnıege kelgen. 1967 jyly "Bulbul" degen atpen tuńǵysh jyr kitaby jaryq kóredi.

Búginde Farızany bilmeıtin oqyrman kemde-kem. Aqynnyń jazǵan jyrlary sandýǵash bolyp saırady. "Mańǵystaý monologtary" aqynnyń otyz jasyndaǵy qoltańbasy. Sodan beri "Mazasyz shaq", "Men seniń júregińdemin", "Shilde", "Seniń mahabbatyń", "Daýa" sıaqty kitaptary adam atty kúrdeli jaratylysty san zertteıdi. Olar ne týraly? Mahambettiń muńyn sezgende, qaıratynan jyr janyǵanda órshil sarynǵa erik beredi. Mine, Farıza aqynnyń halqyna usynǵan ór minezdi jyrlary osy eńbekteri arqyly belgili boldy.

Lırıkalary. Aqyn áıelder janynyń kupıasyn, armanyn, mahabbatyn kóp jazady. Ol sezim kúılerin shertýge, Álıa men Mánshúktiń taǵdyry men tragedıasyna dastandar arnady.

Aqyn — óz zamanynyń ar-ujdany. Ol bolashaq úshin ómir súredi. Áldeneden muńaıǵan kezinde, bireýdiń pasyqtyǵynan júregi muzdaǵan kezinde, keshegi dosynyń búgin teris aınalǵanyn kórgende Farızanyń dosy, seneri, muńdasy, berer dári-daýasy — poezıa.
Aqyn jyrynda áıelder beınesiniń kóńil kúıi daýyldy sezim bolyp jyrlanady, tek jaı jyrlaý emes, qazirgi zamana talabynyń bıik órisine laıyqtap jyrlaý — Farıza týyndylarynyń bir qyry.

Farızanyń berilip, shabyttanyp, asa qumarta, keń kósilip jyrlaǵan tabysty taqyryby — mahabbat, súıispenshilik taqyrybynan basqa da saıası-áleýmettik taqyryptardy áýelde pýblısısıkalyq tolǵaý úlgisi arqyly ıgergen aqyn birte-birte fılosofıalyq, psıhologıalyq monolog formalarǵa aýysyp sýrettegenin kóremiz. Týǵan jer, Otan-Anany naqty sýret, beıneli til, kórkem tásilmen órnekteıdi.
Jyr álemine qulash urǵan aqyn jyrlary óz oqyrmandaryn qýanta bereri sózsiz.

Oqýǵa keńes beremiz:

Farıza Ońǵarsynovanyń óleńderi

Farıza Ońǵarsynovanyń týyndylary

Farıza Ońǵarsynovanyń naqyl sózderi

 

---