Oqytýdyń dástúrli formatyna qaıtarý qalaı iske asyrylady
Bilim berý onlaın platformalaryna qoıylatyn biryńǵaı talaptar ázirlenedi. Bul týraly QR Bilim jáne ǵylym mınıstri Ashat Aımaǵambetov málim etti.
«Orta bilim salasyna toqtalsaq, qashyqtan oqytý aıasynda otandyq naryqqa segizden astam bilim berý platformasy shyǵýda. Biriq platformalardyń fýnksıonaly men múmkindikteri ártúrli. Mınıstrlik oqytý prosesin tolyqqandy iske asyrý úshin qajetti fýnksıonaldy alýǵa múmkindik beretin bilim berý onlaın platformalaryna qoıylatyn biryńǵaı talaptardy ázirlep, birizdendirip, iske asyratyn bolady», — dedi mınıstr Úkimettiń otyrysynda.
Sonymen qatar ol oqytýdyń dástúrli kúndizgi formatyna qaıtarý qadamyna toqtaldy.
«Bilim berý uıymdaryn oqytýdyń dástúrli kúndizgi formatyna qaıtarýdyń tıisti tártibi Densaýlyq saqtaý mınıstrligimen birge ázirlenedi», — dedi A. Aımaǵambetov.
Budan buryn habarlanǵandaı, Joldaý kezinde Prezıdent tolyqqandy oqý úderisi úshin qajetti barlyq fýnksıalary bar biryńǵaı onlaın bilim berý platformasyn shuǵyl ázirleýdi tapsyrdy.
Munymen qosa, Memleket basshysy bilim alýdyń qalyptasqan dástúrli tásiline qaıta kóshýdiń tártibin ázirleýdi júktedi.
You Might Also Like
-
Búgin Qazaqstanda jáne álemniń birqatar elinde Bilim kúni atalyp ótedi. Koronavırýs ınfeksıasyna baılanysty bıylǵy oqý jylyna kóp ózgeris engizildi.
-
Muǵalimderdiń jalaqysyn 25 paıyzǵa arttyrý boıynsha tıisti qarajat búdjet jobasynda tolyǵymen qarastyryldy. Bul týraly QR Bilim jáne ǵylym mınıstri Ashat Aımaǵambetov málim etti.
