Úzdiksiz bilim berý tujyrymdamasyn ázirleý erekshe mańyzǵa ıe — Ashat Aımaǵambetov
Úzdiksiz bilim berý tujyrymdamasyn ázirleý qazirgi ýaqytta erekshe mańyzǵa ıe. Bul týraly QR Bilim jáne ǵylym mınıstri Ashat Aımaǵambetov málim etti.
«Úzdiksiz bilim berý tujyrymdamasyn ázirleý qazirgi ýaqytta erekshe mańyzǵa ıe. Osy turǵyda beıresmı bilim berýdiń nátıjelerin rastaý júıesi de qaıta qarastyrylady. Táýelsiz sertıfıkattaý ortalyqtarynyń, onyń ishinde óz betinshe mamandyq ıegerleri úshin de biliktilik berý odan ary qaraı damytylatyn bolady», — dedi mınıstr Úkimet otyrysynda.
Sonymen qatar ol bilim alýshylardyń kásipkerlik daǵdylaryn damytý taqyrybyna toqtaldy.
«Barlyq deńgeıdegi bilim alýshylardyń kásipkerlik daǵdylaryn damytý jóninde jumys bilim berýdiń búkil deńgeılerinde júrgiziledi. Eńbek naryǵynyń suranystaryn eskere otyryp, «Atameken» palatasymen birge bul jumysty ary qaraı jalǵastyryp, júıeli túrde uıymdastyratyn bolamyz», — dedi A. Aımaǵambetov.
Aıta keteıik, Memleket basshysy Qasym-Jomart Toqaev Úkimetke úzdiksiz bilim berý tujyrymdamasyn ázirleýdi tapsyrdy.
You Might Also Like
-
QR Bilim jáne ǵylym mınıstri Ashat Aımaǵambetov balabaqshamen 100 paıyzǵa qamtý qaı kezeńde sheshiletinin aıtty.
-
On bir jyldyq bilimderin arqalap, mektep túlekteri atanýǵa taıap qalǵan shaqta bolashaq talapkerlerdiń sharq uryp izdeıtini úlken ómirge jeteleıtin joǵarǵy oqý orny, al kúndiz-túni oılaıtyny sol bir úsh...
