InfoHub Logo

Oqý – bilim jáne onyń quraldary týraly jumbaqtar
Bilimnen mol syı – asy,
Balǵyndardyń uıasy.
(Mektep)

Aqyl – oıdyń shyraǵy,
Záýlim kókteı shynary.
Bıigine boılaǵan,
Qanbaıdy adam qumary.
(Bilim)

Bilimniń jol basshysy,
Shákirttiń qolbasshysy,
(Muǵalim)

Shákirtke janashyr,
Meıirman kim, jany asyl?
(Ustaz)

Bilimniń dánin teredi,
Balaǵa tálim beredi.
(Ustaz)

Ushymen qazyq
Tor kózdi jazyq.
Ústine óttim,
Asyl sóz jazyp.
(Dápter)

Qaby soıaý,
Dini – boıaý.
(Qaryndash)

Oılaryńdy ańsaǵan,
Asyl sózdi aq alańǵa,
Túsirýden sharshaǵan,
Men emespin ámánda.
(Qalam)

Til joq ózinde,
Sózi bar izinde.
(Qalamsap)

Bar oıyndy jıamyn,
Aq qaǵazǵa quıamyn.
(Sıa)

Saǵat saıyn qaǵylady,
Tek mektepten tabylady.
(Qonyraý)

Kúmis altyn tili bar,
Syńǵyrlaǵan úni bar.
Shaqyratyn bilimge,
Saǵaty bar, kúni bar.
(Qońyraý)

Bólingendi tabystyryp,
Biriktirse qabystyryp.
Jymdastyrǵan jigin de,
Baıqamaısyń túgin de.
(Jelim)

Juqa taqtaı bólshegi,
Uzyndyqtyń ólshemi.
(Syzǵysh)

Elderi men qalasy,
Oıpaty men dalasy.
Tep – tegis taqtaı – dy,
Ózeni de aqpaıdy,
Toǵaıy men taýy bar,
Bul ne, óziń taýyp al.
(Karta)

Qalasy bar, eli joq,
Dalasy bar, shóbi joq.
Muhıty bar, sýy joq,
Ormany bar, nýy joq.
Shyńdary da tep – tegis,
Qumdary da tep – tegis,
Keń jazyqtan ár tústi,
Shyǵys penen batysty –
Bar álemdi tabasyń,
Óziń tań bop qalasyń!
(Geografıalyq karta)

Dop syndy kelbeti,
Onda bar túp – túgel,
Álemniń álpeti.
(Globýs)

Oqý – bilim aspaby,
Qoımasynyń bas qaby.
Bólmesi de birnesheý,
Tıegi bar ashpaly.
(Sómke)

Qyryq eki jaýynger,
Sapyn túzep turady.
Búldirshinder
Qaýymdy el,
Syryn tereń uǵady.
(Alfavıt)

Bilim menen tálim,
Paraqty ashqanda
Betterinen málim.
(Kúndelik)

Oqýshyǵa kúnde erip,
Júretin ne?
(Kúndelik)

Ústinde esigi,
Ózi oryndyq, ári ústel,
Oqýshylar besigi.
(Parta)

İlýli tur keń alań,
Keregimdi men odan.
Jazyp alam kóshirip,
Súrtem sosyn óshirip.
(Taqta)

Tórt qyrly, ózi appaq,
Taqtadaǵy izi appaq.
Keń alań – taqyrdan,
Shıyrlap qaıtady.
Aq qant qatyrǵan.
(Bor)

Sansyz oılar betinde,
Saırap jatyr bar tilde.
Qajetpin men ár kúnde,
Óshpeıdi bir árpim de.
(Qaǵaz)

Qabat – qabat qattalǵan,
Asyl sózben aptalǵan.
Paraǵy bar sóıleıtin,
Ol qazyna sóıleıtin,
(Kitap)

Shákirt kezdegi,
Bilimniń bezbeni.
(Baǵa)

Bar bilimniń bastaýy,
Bar ǵylymnyń bastaýy.
Jas balaǵa nur shashqan,
Qandaı kitap til ashqan?
(Álippe)

Basynda azdyń aqyly,
Selqostardyń jaqyny.
(Birlik)

Jalqaýmen bir júretin,
Quddy qarmaq iletin.
Jolamaıdy zerekke,
Sabaqtaryn biletin.
(Ekilik)

Jalǵas jatqan qos sheńber,
Búıirinde qaqpasy.
Kórseń de ony dos sender,
Jaqsy, jaman ortasy.
(Úshtik)

Jaqsymenen teń kórgen,
Ata – ana da jón kórgen.
Oryndyqpyn tóńkergen.
(Tórttik)

Mekteptiń altyn oraǵy,
Zeıindiler odaǵy.
Jaqsy kórer bar bala,
Zerekke dos ol daǵy.
(Bestik)

Oıdy aıaqtap qorytady,
Sońynda dop turady.
(Sóılem)

Sózdi qurap, dop tizemin,
Qoıa salsań bir tary,
Jańalyqty jetkizemin.
(Habarly sóılem)

Oıdy aıaqtap oraq turady,
Jaýap sóz qalap turady.
(Suraýly sóılem)

Urandy, shattyqty,
Ókinish, aptyqty,
Bildirip oıyn talaıdyń,
Sharǵa ıne qadaımyn.
(Lepti sóılem)
Ártúrli jumbaqtar qaraý