InfoHub Logo

Mamandyqtar týraly jumbaqtar
Aıdynda júzedi,
Tiri kúmis súzedi.
(Balyqshy)

Alataıaq ustaǵan,
Jol tártibin ńusqaǵan,
Ómirińdi kúzetken,
Ysqyryǵy kúshti adam.
(Mılısıoner)

Ónerge tán jaratqan,
Kókiregi keń aspan.
Barsha jurtty qaratqan,
Beıneger kim tym asqan?
(Qylqalam sheberi)

Mańdaıǵa jaǵyp shyraqty,
Lavalardan turaqty.
Aǵyzyp otyn ózenin,
Jylytqan kim óz elin?
(Shahter)

Adamnyń júzin,
Basy men kózin.
Aınytpaı kelbetin,
Salatyn kim sýretin?
(Sýretshi)

Jasyl jelek kógalda,
Birde artqa,
Birde alǵa,
Jelaıaq kóp bala,
Talasyp júr bir sharǵa.
(Fýtbolshylar)

Jolynyń kóp azaby,
Sondadaǵy tynbaıdy.
Jańalyqty jazady,
Kópshilikti tyńdaıdy.
(Jýrnalıs)

Keń baıtaq týǵan jerime,
Ketpesin dep jat iz ótip.
Tynyshtyq tilep elime,
Otandy kim tur kúzetip?
(Álpınıs)

Aılar boıy júzedi,
Jerdi kórmeı júredi.
Aq jal taýmen alysqan,
Adamdy kim biledi?
(Teńizshi)

Tól ósirip momaqan,
Ýyz ishken qoımaljyń,
Bilseń aıtshy, balaqan,
Eńbegi zeınet qaı malshy?
(Qoıshy)

Tulǵaly keń ıyǵy,
Munara onyń turaǵy,
Mań dalada buıyǵy,
Sónbeı jansa shyraǵy,
Jer astynyń suıyǵy
Fontan bolyp shyǵady.
(Munaıshy)

Ol jetse aýylǵa,
Samsar juldyz toraby,
Nur shashyp turady.
(Elektrshi)

Kúmis qanat, suńqary,
Kókke erkin súńgıdi.
Bulttan da tym ári,
Ketken jandy kim deıdi?
(Ushqysh)

Órnektep, sándep,
Tigisterin búgetin.
Solpysyn jóndep,
Kim kóılek tigetin?
(Tiginshi)

Qalpaǵy aq qarasań,
Dáriger emes, biraq ol.
Dám mázirin qalasań,
Alǵa usynyp turady ol.
(Aspaz)

Topyraqtyń qunaryn,
Dál taýyp quramyn,
Qaı jerde qaı daqyl,
Ónim berer baı daqyl,
Zerttep dáıim júretin,
Kim bárin biletin?
(Agronom)

Kórinbeıdi ózi,
Estiledi sózi.
(Radıo dıktory)

Jaltyldap qalaǵy,
Salatyn kim qalany?
(Kirpish qalaýshy)

Qarańǵyny qaq jaryp,
Júrgen kim sham jaǵyp?
(Monter)

Bal tatyǵan mázir,
Ol bar jerde ázir.
(Aspaz)

Ósken shashty jaratpaıtyn,
Qaıshysy bar jalaqtaıtyn.
(Shashtaraz)

Onyń tikken buıymy,
Aıaǵyńdy qaptaıdy,
Shyǵa qalsa julymy,
Ádemilep baptaıdy.
(Etikshi)

Kókke ushqan sharyqtap,
Shańyraqtyń baýynan.
Ustap ústem qalyqtap.
(Parashútıst)

Dabylǵa tez jetetin,
Jalynǵa súńgip ketetin.
Qaqalsa da tútinge,
Taısalmaıtyn batyl kim,
Jasqanbaıtyn batyr kim?
(Órt sóndirýshi)

Quryp qoıyp órmegin,
Urshyqtaryn oınatyp.
Sándi mata órnegin,
Jasaıtyn kim jaınatyp?
(Toqymashy)

Eki basy dóńgelek,
Eki ushy súıir,
Qıǵanǵa úıir.
(Qaıshy)

Tutqasyz tobataı,
Unatar, kóp apaı.
(Oımaq)

Eki shekpen kúmbirlep,
Kóńil sazyn sapyrady,
Tulpar shabys dúmbirlep,
Jelpindirip otyrady.
(Kúıshi)

Uzyn ózen,
Sýy joq.
(Jol)

Ózi syryq,
Basqan jeri qudyq.
(Taıaq)

İndi kóp – aq qazady,
Ózi shyǵa qashady.
(Biz)

Tazalap aq qaǵaz júzin,
Joq eter qaryndash izin.
(Óshirgish)

Artyq kemdi teńestirer,
Dándi de ózi jemes birer.
(Tarazy)

Ózi ótpeıdi,
Al, ótpesti ótkizedi.
(Qaıraq)

Jańalyqty
Ún – túnsiz taratady,
Barsha jurtty
Bir ózine qaratady.
(Gazet)

Qashyq jerdiń sálemin,
Tez – aq alyp kelemin.
(Telegramma)

Ushyp túser kún bitse,
Joǵalady jyl bitse.
(Kúntizbe)

Úsh tili taqyldap,
Jańylmaıtyn aqyldy – aq.
(Saǵat)

Tysy jyltyr,
İshi jarqyl.
(Elektr shamy)

Terezeniń tesigi,
Taza aýanyń esigi.
(Jeldetkish)

Kógildir túsi bar,
Tas balqytar kúshi bar.
(Gaz)

Kıno menen konsertti,
Úıde qoıyp beremin,
Jańalyǵyn bar eldiń.
Óz kózimmen kóremin.
(Teledıdar)

Jaı da únsiz turady,
Bireý kelse tez jet dep,
Qońyraýyn urady,
Dabyl qaǵyp bezektep.
(Telefon)

Toqqa tıse murty uzyn,
Tabanymen jazyq.
Kıimderdiń qyrtysyn,
Beredi tez jazyp.
(Útik)

Kún nuryna qaryq qyp,
Úıdi turar jaryq qyp.
(Tereze)

Kóz aldyńa jaınaǵan,
Túsi sýdan aýmaǵan.
Tegis perde keriledi,
Biraq bári kórinedi.
(Áınek)

Kir – qoqysty súımeıdi,
Syrtqa qýyp súıreıdi.
(Sypyrǵysh)
Eki basy qalta,
Ortasy alqa.
(Tutqysh)

Shuqysań kózin,
Kórsetin tózim,
Arashaǵa
Bireýdi shaqyrar,
Ózi tynysh otyrar.
(Telefon)

Shaıqap basyn,
Bir tómen, bir joǵary,
Tursa ol,
Tosyn
Úıde samal soǵady.
(Jeldetkish)

Qyzyqtyram ózime,
Kórsetemin kózińe,
Sendiremin sózime.
(Teledıdar)

Alystaǵy apańmen,
Oqýdaǵy aǵańmen,
Tildestirip turatyn,
Zattyń atyn tabar me eń?
(Telefon)

Qansha jutsam semirip,
Sylqıa bir toımaımyn.
(Shańsorǵysh)

Tyńdap ánin, óleńin,
Úıden kıno kóremin.
(Teledıdar)

İshi salqyn, muzy bar,
Kúnkeı qashqan qoı syndy,
Jylda tez buzylar,
Barsha taǵam tyǵylar.
(Tońazytqysh)

Qalamy joq, al biraq,
Estigenin sózbe – sóz,
Sol qalpynda qabyldap,
Jazyp alar tezbe – tez.
Qaıtalaıdy taqyldap,
Tyńdaı qoısań kózbe – kóz.
(Magnıtofon)

Syrt – syrt soǵady, ýaqyt ozady.
(Saǵat)

Qystyń qańtar, aqpanyń,
Kebejeme saqtadym.
(Tońazytqysh)
Tútikti boılap keledi,
Samsa pisirip beredi.
(Gaz)
Ártúrli jumbaqtar qaraý