Balalar!
Oqýǵa bar!
Jatpa qarap!
Jýynyp, kıinińder shapshańyraq!
Shaqyrdy taýyq mana áldeqashan,
Qarap tur terezeden kún jyltyrap.
Adam da, ushqan qus ta, júrgen ań da,
Jumyssyz tek turǵan joq eshbir jan da:
Kishkene qońyz da júr júgin súırep,
Barady aralar da ushyp balǵa.
Kún ashyq, toǵaılar shat, yń-jyń orman,
Oıanyp jan-maqulyq túnde qonǵan,
Shyǵady toqyldaqtyń toq-toq daýsy,
Saıraǵy sarǵaldaqtyń syńǵyrlaǵan.
Ózende balyqshylar aý qarap júr,
Toǵaıda oraq daýsy shań-shuń orǵan.
Allalap, al kitapty qoldaryńa!
Quldaryn Qudaı súımes jalqaý bolǵan.

---