InfoHub Logo

Atyraýda Nurǵısa Tilendıev atyndaǵy kishi óner akademıasynyń oqýshylary «Erteńin oılaǵan el erlerin umytpaıdy» atty arnaıy ashyq sabaqta batyr urpaqtarymen kezdesti. Tarıh páni ustazdarynyń uıymdastyrýymen ótken keleli kezdesýdi mektep basshysy Dolares Tasqarına izgi tilegimen ashyp, meımandarǵa eskertkish syılyqtar tabys etti. Odan soń mekteptiń daryndy oqýshylary óner kórsetti. Án, bı, kúı men sahanalyq qoıylymdar tamashalaǵan meımandar erekshe áserlerimen bólisti. Pyshtanaı batyrdyń urpaqtary búginde baba murasyn zerttep júrgen Ǵapýr Shapatov pen Ibraımbek Tólegenuly batyrdan qalǵan kóne jádigerler men qundy muralardy oqýshylarǵa tanystyrdy.

Oqýshylar batyrdan qalǵan Aqbıkesh myltyǵynyń tireýishi,oqshantaı jáne jeztynaqtyń tyrnaǵyn kórip tań qalystaryn jasyrmady. Atalǵan jádigerler týraly kóptegen derekter bar. Al mektep ustazdary atalmysh sharanyń ótýi oqýshylar men ustazdarǵa da erekshe áser bergenin jasyrmady

Osylaısha azattyq jolynda kúresken batyr babalardyń esimi men júrip ótken sara jolyn jas urpaq jadyna saqtaǵan bir kún boldy. Jıyn sońynda oqýshylar jádigerlermen tanysyp, sýretke túsip erekshe kóńil-kúımen tarqasty.

---