Oraz Muhammed dastany
Qazaq jeri týraly jazylǵan tarıhı eńbekterdiń biri — «Jylnamalar jınaǵy». Kitap «Oraz Muhammed dastany» dep te atalady. Ony XVII ǵasyrdyń basynda qazaq halqynyń ǵulama ǵalymy, belgili bıi Qadyrǵalı Qosymuly Jalaıyr jazǵan. Qadyrǵalı Jalaıyr qazaq sultany Oraz Muhammedke qyzmet etip, onymen birge Reseı ımperıasyna tutqynǵa túsken. Keıin Oraz Muhammedpen birge Reseıdegi Kasımov qalasynda turyp, sonda «Jylnamalar jınaǵyn» qurastyrǵan. Jazbanyń bas jaǵynda orys patshasy Borıs Godýnovqa madaq, orta tusynda Rashıd ád-Dın eńbeginiń yqshamdalǵan baıany, sońynda Aq Orda hany Orys han men Oraz Muhammed bıiligi aralyǵyndaǵy tarıhı oqıǵalar qamtylady.
«Jylnamalar jınaǵy» — qazaq tilinde jazylǵan tuńǵysh tarıhı shyǵarma. Qadyrǵalı Jalaıyr Qazaqstan, Ortalyq Azıa, Altaı, Mońǵolıa elderiniń tarıhyna qatysty málimetterdi jınaqtaǵan. Kitapty alǵash ret I.Berezın degen kisi 1854 jyly Qazan qalasynda bastyryp shyǵarǵan. Shejire qazaq tilinde 1989 jyly jaryq kórdi.
You Might Also Like
-
«Qorqyt ata kitaby» (ejelgi túrki tilinde — «Kıtab-ı dádem Korkýt ǵalı lısan taıfa oǵýzan») — oǵyz-qypshaq dáýiriniń jazba murasy. Kitaptyń ǵylymda on eki nusqasy...
-
Qymyz daıyndaý úshin eń aldymen saýyn bıelerin irikteı bilý kerek. Saýylatyn bıe saqa bıe, qýlyq bıe, qysyraq bıe dep úshke bólinedi. Saqa bıe birneshe qulyndaǵan, burynnan saýylyp, ábden mashyqtanǵan ...
