InfoHub Logo

XVII ǵasyrda Qazaqstan jerine kúsh-qýaty mol Jońǵar handyǵy jıi-jıi shabýyl jasap turdy. Qazaqtar óz jerin tańǵajaıyp tabandylyqpen, erlikpen korǵady. Áskerı tarıhta osyndaı urystardyń biri — Orbulaq shaıqasy erekshe orynǵa ıe boldy.

1643 jyly jońǵar bıleýshisi Batyr qontaıshy İle-Talas alqabyna 50 myńdyk ásker jiberedi. Osy kezde shamaman 10 myń qyrǵyz Batyrdyń ústemdigin moıyndaǵan edi. Muny estigen qazaq sultany Jáńgir jońǵarlarǵa soqqy berýge asyǵady. Qysqa ýaqyt ishinde onyń týynyń astyna 600 adam jınalady. Osy urysta top bastaǵan arǵyn Aǵyntaı, alshyn Jıenbet, qańly Sarbuqa, naıman Kókserek, dýlat Jaqsyǵul, shapyrashty Qarasaı, Sýan Eltindi esimdi batyrlar halyq jadynda máńgilik saqtalyp qaldy.

Bar-joǵy 600 jaýyngermen 50 myńdyq áskerge toıtarys berý óte qıyn. Sondyqtan Jáńgir kómek surap, Samarqand bıleýshisi Kishi júzden shyqqan Jalańtóske shabarman jiberedi. Ózi jońǵarlardyń aldyn alý úshin Jetisýǵa attanady. Orbulaq jerinde torýyl quryp jatqan Jáńgir jer jaǵdaıyn eskerip, taý shatqalyna óz batyrlaryn ońtaıly ornalastyryp jasyryp qoıady. Qaımyqpaı ishkerileı engen jońǵarlarǵa Jáńgir sultan tý syrtynan lap qoıady. Sadaq pen bilteli myltyqtarynan oq jaýdyryp, birneshe myń jaýyngerdiń kózin joıady. Osy sátte Jalańtós batyrdyń 20 myńdyq áskeri der kezinde jetip úlgeredi. Olar birigip, jaýdy talqandaıdy. Sóıtip, jońǵarlar qazaq jerinen ketýge májbúr bolady.

---