InfoHub Logo

Bir baıdyń óris tola jylqysyn jaý aıdap ketedi. Jaýdyń shapqynshylary qalyń jylqyny qoraǵa aıdap kelgende baıdyń kózi eń aldymen qamys qulaq ker atqa túsedi. Baı jal quıryǵy súzilgen, basqa jylqylardan zor ker atty ustatady da, shiderlep bólek baqqyzady. Kúnderdiń kúninde ker attyń aıaǵyndaǵy shiderdiń bir tıegi aǵytylyp ketedi de, ker at óresimen qalady. Óreli ker at qalyń jylqy úıirine keledi de, jylqylardy bastap eline jetedi. Jaý qolynda ketken qalyń jylqysyn neshe ret shapqynshy jiberip ala almaǵan baı ker atqa rıza bolady da, el ishindegi kúıshilerdi jıyp ker at týraly kúı shyǵarýdy tapsyrady. Kúıshiler kúı atyn «Óreli ker» dep qoıady da, jańa kúı shyǵarady.

 

---