InfoHub Logo

Astana qalasy ákimdiginiń «Medısınalyq kolej» MKQK - de
2014 jyl 21 aqpan kúni ótken «Otandy qorǵaý – ınternasıonaldyq boryshyń» atty aýǵan soǵysyna qatysqan ardagerlermen kezdesýdiń senarıi

Tárbıe saǵatynyń taqyryby: Otandy qorǵaý – Internasıonaldyq boryshyń
Maqsaty: Stýdentterdi týǵan jerin, Otanyn súıýge, halqyna adal qyzmet etýge tárbıeleý. Olardyń dostyq, adamgershilik qasıetterin, patrıottyq
sezimderin damytý.
Kórnekiligi: sharlar, qanatty sózder, Aýǵanstan jeriniń kartasy.
Barysy:
İ. Uıymdastyrý.
İİ. Merekelik ádebı - mýzykalyq montaj.
İİİ. Aýǵan soǵysynyń ardagerlerimen suhbat.
İÚ. Quttyqtaýlar.

1 - júrgizýshi: Assalaýmaǵaleıkým, qan maıdanda shyńdalǵan qaısar júrekti
aǵalar, taý tulǵaly soǵys ardagerleri!
2 - júrgizýshi: Armysyzdar, qurmetti oqytýshylar, stýdentter, búgingi
kezdesýdiń qurmetti qonaqtary!
1 - júrgizýshi: Búgingi «Otandy qorǵaý – Internasıonaldyq boryshyń» atty aýǵan soǵysyna qatysqan ardagerlermen kezdesýge arnalǵan is - sharaǵa qosh keldińizder!
Qazaqstan Respýblıkasynyń Gımni oryndalady.
2 - júrgizýshi: Aýǵan soǵysynda ınternasıonaldyq boryshyn ótegen qanshama jas jaýyngerler qaza tapty. Olar da jaryq dúnıege, bolashaqtyń qyzyǵyna qushtar edi. Amal neshik? Azamattyq, Internasıonaldyq boryshyn adal atqarǵan bozdaqtardy bir mınýt únsizdikpen eske alaıyq!
Búgingi aýǵan soǵysyna qatysqan ardagerlerge arnalǵan is - sharanyń bet perdesin ashý úshin sóz kezegin kolej dırektorynyń tárbıe isi jónindegi orynbasary ------------------------------- beremiz.

1 - júrgizýshi: Kóp aýzynan túspeıtin,
Otan degen nemene?
Onyń tulǵa, tús, keıpin
Dostym, bilgiń kele me?
Otan - seniń ata - anań
Otan - dosyń, baýyryń,
Otan - ólkeń, astanań,
Otan - aýdan, aýylyń

2 - júrgizýshi: Otan - tarıh, Otan - til,
Jasaǵan eliń, óz halqyń!
Otan - óleń, Otan - jyr
Kótergen kókke el dańqyn.
Otan - osy dostarym,
Kóńilge muny túıe bil!
Otan dep ósip jan - jaǵyń,
Ony ardaqtap, súıe bil!

1 - júrgizýshi: At basyna kún týsa,
Aýyzdyǵymen sý isher.
Er basyna kún týsa
Etigimen sý kesher – degendeı HH ǵasyrdyń aıaǵynda, ıaǵnı 1979 - 1989 jyldary aýǵan jerindegi soǵys apatyn shekken azamattarymyz az emes. Otandy qorǵaý – azamattyq paryzym dep bilgen, Internasıonaldyq boryshyn abyroımen ótegen, búgingi keshtiń qadirli qonaqtarymen tanystyrýǵa ruqsat etińizder.
1. Astana qalasy aýǵan soǵysyna qatysqan múgedekter men ardagerler keńesiniń tóraǵasy Kenjebekov Serik Múbarakuly
2. Keńes tóraǵasynyń birinshi orynbasary Beısekeev Ǵaly Ibraevıch
3. Keńes músheleri Týlekbaev Meırambek Ýalıuly
4. Maıtqanov Qýanysh Quraluly

2 - júrgizýshi: 1978 jyldyń sáýir aıynda Aýǵanstanda revolúsıa jasaldy. Revolúsıalyq keńes jáne Respýblıka úkimeti qurylyp, tóraǵa qyzmeti N. M. Tarakıge júkteldi. Jańa úkimettiń naqtyly reformalyq is - áreketteri damyǵan sosıalısik elderdegi qurylysqa uqsas boldy. Jańa ómirdiń qalyptasýy barysynda basqarýshy partıa arasynda alaýyzdyq paıda bolyp, ózara tartys bastaldy.
1 - júrgizýshi: 1979 jyly jeltoqsan aıynda KSRO áskerleri aýǵan jerine engizildi. Bul áreket eldegi jaǵdaıdy odan iri shıelenistirdi. Aýǵanstan jerinde bolǵan urysqa 22200 Qazaqstandyq qatysyp, onyń 701 jaýyngeri qaza bolsa, 484 adam múgedek bolyp oraldy. 20 jaýynger habarsyz ketip, 2205 jaýynger orden, medaldarmen marapattaldy. Búgingi tańda Qazaq elinde 10 000 - ǵa jýyq aýǵan ardagerleri bar. Sonyń ishinde Astana qalasynda 1 000 - ǵa tarta aýǵan soǵysy ardagerleri turady. Aýǵan soǵysy ardagerleriniń múddelerin qorǵaıtyn «Múgedekter men aýǵan soǵysy ardagerleriniń uıymy» jumys jasaıdy.
2 - júrgizýshi: Mine, osy Aýǵan soǵysynyń aıaqtalǵanyna 25 jyl ótti. Sol kezdegi áskerge alynǵan jas jigitterimizdiń birtalaıy soǵys zardabyn tartyp, qazirgi ýaqytta Aýǵan soǵysynyń ardageri atanyp otyr.
Búgingi bizdiń «Otandy qorǵaý – Internasıonaldyq boryshyń» atty is - sharamyzǵa qatysyp otyrǵan aýǵan ardagerlerine jáne barlyq ardagerlerimizge qurmetpen qoshemet kórsetelik.
Án oryndalady. «Qazaq jigitteri»

Stýdentterge kezek beriledi.
1 - stýdent:
- Armysyzdar, aýǵandyq jaýyngerler
Jyrym bar jaralanǵan, janyńdy emder.
Ólgenderdi jánnatta bolsyn jany,
Tirileriń myń jasa, dáýirleńder!
Erlik qylǵan aǵalarym, aspan asty, jer ústi,
Biz sándikke kımegenbiz dep shalbar menen bórikti
Otan ana aldyndaǵy óteımin dep boryshty,
Attandyńdar, atqardyńdar soǵysty.

2 - stýdent:
Áýeliń Otan - ana aldy
Aýyl aldy, aýnaǵan shóptiń qasy.
Saǵynǵanda tym ystyq kórinedi
Jasta oınaǵan úıshik qyp saıdyń tasy.
Otan deımiz ot jaqqan jerimizdi,
Otan deımiz ósirgen elimizdi.
Otan deımiz týǵan jer, atameken -
Bıik taý, orman, toǵaı, kólimizdi.
Men onyń túnin súıem, kúnin súıem,
Aǵyndy ózen, asqar taý, gúlin súıem,
Men onyń qasıetti tilin súıem,
Men onyń qasıetti tilin súıem,
Men onyń qudiretti únin súıem.
Bar jándigin súıemin qybyrlaǵan,
Bári maǵan «Otan»- dep sybyrlaǵan
Janym meniń, keýdemdi jaryp shyq ta,
Boztorǵaıy bol onyń shyryldaǵan!

3 - stýdent: Otan - belgili bir adam úshin onyń óziniń eli ǵasyrlar boıy ǵumyr keship jáne solaı bolyp qalýy úshin janyn pıda qyp kúresip kele jatqan óńir, ólke ǵana emes, týǵan shańyraǵy, ata - ana, bala-shaǵasy, jary, dos - jaran týysy. Solarmen birge jalǵanǵan kóretin qyzyǵy men baqytty turaǵy, ólgennen keıin de, urpaqtaryna rýhy jar bolyp jatatyn topyraǵy.
Otan!
Otan!
Bárinen bıik eken
Men ony máńgilikke súıip ótem.

4 - stýdent: Saqtady olar elin, jerin, qonysyn
Aqtady olar azamattyq boryshyn
Sol úshin de qoltyǵynan súıeıik,
Ardagerge - maıdangerge,
Ieıik biz barlyq jerde
Basymyzdy sol úshin.
Án «Aýylym». Jolbarysova Móldir
«Ana» áni
5 - stýdent: - 1979 jyldyń 25 – jeltoqsanynan 1989 jyldyń 15 aqpany, ıaǵnı, 9 – jyldan asa ýaqyt boıy keńes áskerleriniń shekteýli quramy Aýǵan jerinde urys júrgizdi.
Keńes odaǵy basshylyǵynyń qaýlysymen olar Aýǵan halqy aldynda ınternasıonaldyq boryshtaryn ótedi. 14 myńǵa jýyq keńes jaýyngerleri bul soǵysta úılerine oralmady. Olardyń ishinde qazaqstandyqtar da bar edi. Qaıǵy men qasiret ákelgen bul soǵys Qazaqstan jerin de aınalyp ótpedi. Urysta qaza tapqan jaýyngerlerdiń erlikterin esimizde máńgige saqtaý qasıetti boryshymyz. Olardy umytpas úshin estelikter aıtylyp, máńgilik alaýlar jaǵylady. Osy dástúr bázdiń Qazaqstanda da saqtalǵan. Soǵystyń adam balasyna ákeler zardaby men qasireti sheksiz ekeni barshaǵa aıan. Bul soǵystan qansha bozdaqtar oralmady, sol bozdaqtardyń analary áli kúnge deıin qara jabylyp qasiret shegýde. Ár ana balasynyń kemis te bolsa tiri kelgenin qudaıdan tilemeı me? Sol úmitiniń aqtalmaı, balasynyń óli denesin alýdan artyq anaǵa bul dúnıede teń keler qandaı qasiret bar?
Qaısar júrek Aýǵandyq jaýyngerler,
Jyrym bar jyrlanǵan janyńdy emder
Ólgender taǵzym etip, duǵa oqımyz,
Ortamyzda júrgender dáýirleńder.
1 - júrgizýshi: Búgingi kezdesýimizge kelip otyrǵan qurmetti qonaqtarymyzǵa sóz kezegin bersek.
İİİ. Aýǵan soǵysy ardagerlerimen suhbat.
(suraq - jaýap)
Bı oryndalady.
Án oryndalady.
2 - júrgizýshi: Jaýlardan qarsy kelgen jasqanbaǵan
Jasaǵan erligine mastanbaǵan.
Urpaqqa ómir jolyń ónege bop,
Tarıhta ardagerler asqan baǵań.
1 - júrgizýshi: Keńes áskerleriniń aýǵan jerinen shyǵýyna 25 jyl tolýyna oraı ótkizilip otyrǵan «Otandy qorǵaý – Internasıonaldyq boryshyń» atty is - sharamyz óz máresine jetti. Sizderdiń erlikterińiz keleshek urpaqqa mol ónege. Sizderge zor densaýlyq, qajymas qaırat, januıalaryńyzǵa baqyt tileı otyryp, búgingi keshimizdi aıaqtaımyz. Oryndalar án sizderge arnalady.
Án oryndalady. «Jasa, Qazaqstan».