InfoHub Logo

    Otbasy... Otbasy degen názik te júrek tebirenter sózdi estigen kezde kóz aldyma asqar taý-ákem, aıaýly-anam, bar baǵym-baýyrlarym, bir sózben aıtqanda janyma jaqyn jandarym elesteıdi. «Januıasyz adam-jemissiz aǵash sekildi» degendeı men otbasymsyz óz ózimdi elestete almaımyn da. Barym da narym da-otbasym. Otbasymda tórt adam bolsa da,osy tórt adam meniń aıaýly da ardaqty asyldarym. Osy tórt adamnan bıik turar eshkim joq.

   Ákem-asqar taýym. Meni maqtaıtyn da,bar erkelikterimdi kóteretin de, anda sanda bir ursyp alatyn da-ákem. «Qyz bala ákesine jaqyn bolady» degen ras eken. Bir aǵattyq jasasam da,bir zat qajet bolsa da ylǵı ákeme aıtamyn. «Ákeden-aqyl,anadan-meıir» degendeı otbasymyzda ákem árqashan da óz aqylyn aıtyp otyrady.Otbasyda áke erekshe ról atqarady. Sebebi:áke otbasynyń bar aýyrtpalyǵyn kóterip, barlyq jaǵdaıyn jasap, balaǵa tálim-tárbıe úıretip otyratyn adam. Qyz balalar kóbinese «ákemniń qyzymyn» dep maqtana aıtady. Bul árıne «Qyz bala ákege jaqyn bolady» degen sózdi rastaıdy. Otbasyda eshkim ákeniń ornyn basa almaıdy. Sebebi: ákemiz bizdiń aqylshymyz da,qorǵanymyz da, tiregimiz de.

Ómir joldyń bolsa da kóp astary,

Ákelermen bıik eldiń aspany.           

Qashanda da qurmet tutqan analar

Shańyraqtyń ıesi olar,bastaýy.           

Solar jaıly bolsa keıde jyr basy,   

Deıdi me áke urpaqqa syr tyńdashy.

Ózgerse de ýaqyttyń san órnegi,

Alasarmas Ákelerdiń tulǵasy!         

Ǵabıden Qojahmettiń osy óleń joldaryn óz ákeme arnaǵym keledi.

     «Anasyz úı-kóńilsiz kúı» dep qazaq danalary beker aıtpaǵan. Ana-otbasynyń júregi. Meniń anam-janyma jaqyn,asyl jandy ardaqty adamym. Kishkene kezimnen bastap meniń qasymnan tabylyp, tún uıqysyn tórt bólgen, maǵan barlyq izgi qasıeterdi úıretken- anam bolatyn. Ana sózi máńgi júregimde saqtalady jáne eshqashan óshpeıdi. Ana degen sózdi estigen kezde et-júregim eljirep, áp sátte anam esime túsedi. Árıne,qyz balanyń ákesine aıta almaıtyn bólek syrlary bolady. Osy syrlarymdy búkpesiz anama aıtamyn. Qazirge sátte anam meniń dosym,qurbym,syrlasym. Anam qashan da óziniń tájirıbelerimen bólisip,maǵan úıretip otyrady. Anamdy shyn júregimmen jaqsy kóremin! 

Nuryn shashqan kúnimsiń ǵoı jan anam,         

Bar shýaǵyn balasyna arnaǵan.                   

Bir ózińnen qýat alyp ómirde                 

Seniń salǵan sara joldy jalǵaǵam. Berıkbolova Bekzattyń osy óleń joldaryn jan anama arnaımyn.

  Bar asyldarym- baýyrlarym. Meniń jalǵyz ǵana aǵam bar.Aǵam meniń ákemnen keıingi qorǵanyshym,tiregim,qorǵaýshy batyrym. Maǵan óziniń aqylyn aıtyp,durys emes isterimdi eskertip otyrady. Aǵam meniń árqashanda qorǵaýshym,batyrym,tiregim bolyp qala beredi. «Aǵasy bardyń jaǵasy bar» degendeı aǵam meniń árqashanda qoldaýshym. 

   Mine, osy úsh-aq adamnyń meniń ómirimde alatyn orny óte erekshe. Osy úsh adamdy sheksiz jaqsy kóremin. «Otbasynyń sáni-syılastyq» degendeı ár otbasyda birlik,tatýlyq,syılastyq,súıispenshilik bolý mindetti. Dúnıedegi barlyq adamdarǵa aıtarym otbasymyzdy syılaıyq,jaqsy kóreıik, qurmetteıik,árqashan da qadirin bileıik. Dúnıede otbasymyzdyń ornyn eshkim de,esh nárse de basa almaıdy.

Qaratóbe mektep-gımnazıa
Daıyndaǵan:Ǵabdollaeva Gúlnazym Qaıratqyzy
Jetekshisi:Esetova Aqgúl Qarshyǵaqyzy

---