InfoHub Logo

Bala tárbıesiniń eń úlkeni-ony eńbekke baýlý. Eńbekshil jas qana eń úzdik azamat bolyp qalyptasady.

Á. Nurshaıyqov

Tárbıe tal besikten bastalady. Balanyń eńbekqor,aqyldy,tárbıeli bolyp ósýine ata-anasy jaýapty. Jaqsy tárbıe kórgen bala eshqashan jerde qalmaıdy. Aınalasy jaqsy adamdarǵa tolyp,úlkenderge qurmet kórsetip,kishilerge ónege berip júredi. Jalpy jaqsy adam bolyp qalyptasqan balanyń ómiri jaqsylyqqa tolady. Kóbinese,qazirgi jumysbasty ata-analar balalaryna durys tárbıe bere almaı júr. Men bundaı oqıǵalardy kúndelikti ómirden jáne fılmderden kórdim. Tek qana jumysbasty ata-analar ǵana emes,basqa da otbasylar ishinde bar. Árkimniń tárbıesi árqalaı. Tárbıe baılyqqa,joqshylyqqa qaraı bólinbeıdi. Eń áýeli balasyna tálim tárbıe bergisi keletin ata anada nıet pen súıespenshilik bolady.

Qazirgi kezde bala tárbıesine kóp kóńil bólinbeı júr. Balalardyń kópshiligi jan jaqqa shashylyp ketti. Barlyq bala birdeı emes. Sebebi,árkimniń tárbıesi árqalaı. Men bul sózdi qaıtalaýdan taımaımyn. Óıtkeni bul-zańdylyq. Qysqasy barlyq adam birdeı tárbıe kórgen joq. Sondyqtan olardyń balalaryna beretin tárbıesi de ártúrli bolady. Mysaly,aýyl men qala balalarynyń alǵan tárbıesi kópshilik jaǵdaıda ártúrli bolady ǵoı,ıá?Aýyl balalary aýyldaǵy ata ájeleriniń qolynda ósip,qazaqı tálim-tárbıe kóredi. Olar kóbinese ultshyl,namysshyl,salt dástúrdi ustanatyn bolyp ósedi. Biraq bári dep aıtpaımyn. Sebebi,aýyl balalarynyń arasynda qala balalaryna elikteıtinder tabylary haq. Al qala balalary zamanaýı túrde kıinip,shet elge qyzyǵýshylyqtary basym bolady. Osy jerde «Nege?» degen suraq paıda bolady. Meniń paıymdaýym boıynsha bylaı dep oılaımyn:qala kóptegen ult ókilderi turatyn jer. Sol jerde ártúrli tárbıelengen orta bar. Olar bir-birinen kórý arqyly sol tárbıege beıimdele bastaıdy. Jalpy aıtqanda,orta qandaı bolsa,soǵan qaraı bala da ózgeredi.

Qorytyndylaı kele,meniń aıtqym kelgeni:bala tárbıeleýde balany qatty erkeletip jáne erkinsitip jibermeý kerek. Ár nárseniń óz orny bar ekenin túsindirý,úlkenderdi syılap,eńbekke baýlý qajet. Qysqasy jaqsy tárbıe berý. Jaqsy tárbıe kórgen bala árqashan óziń jaqsy jaǵynan kórsetip,úlken jetistikterge jetedi. Halyq arasynda aıtady ǵoı «Tuńǵyshyndy úıretseń,qalǵandary da úırenedi» -dep. Iaǵnı,bul tárbıeniń arqasy. Tárbıeli bala-tárbıeli urpaq. Tárbıeli urpaq-bizdiń bolashaǵymyz. Bolashaǵymyz jarqyn bolýy úshin,bala tárbıesine kóp kóńil bólgenimiz jón.

Qaratóbe mektep gımnazıasynyń 9’‘B’’ synyp oqýshysy Bekbolatova Leılı
Jetekshisi: Esetova Aqgúl Qarshyǵaqyzy

---