InfoHub Logo

Dúnıetaný 3 synyp
Sabaqtyń taqyryby: Otbasy berekesi
Maqsaty: Oqýshylardyń otbasy týraly túsinikterin keneıtý jáne óz oılaryn júıeli túrde jetkize bilýge úıretý.
Modýl: 1. Synı turǵydan oılaý.
2. Bilim berýde aqparattyq - komýnıkasıalyq tehnologıany paıdalaný.
Ádis - tásilderi: dıalogty oqytý, mentaldi karta, oı shaqyrý, túrtip alý.

Muǵalimniń is - áreketi
Oqýshylarmen jyly amandasamyn. Synypty shaǵyn úsh topqa bólemin.
Qaıyrly kún dep aıtamyz,
Sabaqtan birge qaıtamyz.
Otbasynyń gúlimiz,
Kóńildi óter kúnimiz.
Shaǵyn úsh topqa aldynda ótilgen bólimnen suraq qoıý.

I - top «Janýarlar álemin qorǵaý» mátini boıynsha mazmunyn aıtý.

II - top - Ósimdikter men janýarlardyń azaıyp bara jatqany nelikten?
- Bizdiń halqymyz ejelden janýarlar men ósimdikterdi qalaı qorǵaǵan? «Qyzyl kitap» týraly ne bilesiń?

III - top - Qazaq halqy qandaı janýarlar men qustardy qasıetti sanaǵan?
Sonymen balalar, týǵan jer tabıǵaty - halqymyzdyń ulttyq maqtanyshy. Sondyqtan ony aıalap qorǵaýǵa, onyń baılyǵyn eselep arttyrýǵa úles qosqanymyz jón.

Jumbaq sheshý
Maǵan da, saǵan da
Jaqyn týys bes adam
Úsh áripten turatyn
Ońǵa oqy, solǵa oqy
Ózgermeıdi esh odan
Bári de óz jurtyń
Aıtady, káne kim atyn?

- Osy kisilerdi basqa sózben qalaı aıtýǵa bolady?
«Otbasy» dep aıtýǵa bolady.
«Otan otbasynan bastalady» dep jatamyz. Ár balanyń alǵashqy qadamy. Otbasy - ol da bir shaǵyn memleket.
15 mamyr - halyqaralyq otbasy kúni. Ataýly kún 1993 jyly bekitilgen.
- Otbasyn kimder quraıdy?
Ana, áke, ata, áje, aǵa, qaryndas, ápke, ini
Óte jaqsy.
- Endeshe, balalar, búgingi jańa sabaǵymyzdyń taqyryby: «Otbasynyń berekesi».
- Osy kezde esik qaǵylady.
- Balalar, bizge ata men áje kelip qalǵan eken tórletińizder!
- Ata men áje. Qyryqtyń biri qydyr – degen.
- Káne, balalar ájeniń ákelgen «Sandyq» strategıasy týraly tapsyrmasyn oryndaıyq.
1. Ne tátti? Ne jumsaq? Ne qatty?
2. Ul men qyzdy jasyna qaraı qalaı ataıdy?
3. Otbasynyń uıytqysy kim?
A) Muǵalimniń oqýy, túsindirýi.
B) oqýshylarǵa tizbekteı oqytý.
V) Qazybek bıdiń jaýabyn túsindirý.

Toptyq jumys.
Úsh topqa oqýlyqtaǵy maqal - mátelderdi oqyp maǵynasyn ashý.
1. Ádeptiliktiń belgisi - ıilip sálem bergeni.
2. Syılasań, syıly bolarsyń.
3. Óner aldy - birlik,
Yrys aldy – tirlik.