InfoHub Logo

Ata-analarmen birlese otyryp, balanyń tulǵasyn damytýǵa biryńǵaı bilim berý keńistigin qalyptastyrý
Otbasymen birigip balardyń ómirin qorǵaý, densaýlyǵyn saqtaý úshin qolaıly jaǵdaı jasaý
Balanyń tulǵalyq áreketiniń damýy úshin otbasymen birge emosıonaldy jaǵdaı týǵyzý, psıhologıalyq jaǵynan kedergisiz jetilýin qamtamasyz etý.
Otbasynyń tárbıesin, ádepterin, dástúrlerdi saqtaýyn eskere otyryp, balalardy áleýmettik ortaǵa qarym-qatynas mádenıetimen tanystyrýǵa yqpal jasaý.

Qaı zamanda bolmasyn adamzat balasynyń aldynda turatyn uly maqsat murattarynyń eń bastysy - óziniń ómirin, tájirıbesin jalǵastyratyn salaýatty, sanaly urpaq tárbıeleý. Sebebi, urpaq tárbıesi keleshegin berik etetin basty faktor bolyp sanalady.
Adamzat qoǵamy damý tarıhynda qalyptasqan tárbıe men oqytý, teorıasy jáne praktıkasyn damytý salasyndaǵy mańyzy men tárbıelik múmkindikteri jaıly Ia.A.Komenskıı, K.D. Ýshınskıı, V.G.Belınskıı, N.K.Krýpskaıa, A.S.Makarenko, N.N.Han, V.A.Sýhomlınskıı,Sh.Ýálıhanov, Y.Altynsarın, A.Qunanbaev,A.P.Seıteshov M.Á.Qudaıqulov, A.A.Beısenbaeva, Q.K.Jampeıisova, G.T.Haırýllın, V.V.Trıfonovtar mańyzdy pedagogıkalyq oı pikirler qaldyrdy.

Sondaı-aq halyqtyń qalyptasqan tárbıe tájirıbesin oqý-tárbıe úderisinde paıdalaný týraly G.N.Volkov, Ia.I.Hanbıkov, M.Seıfýllaeva, A.Sh.Gashımov, T.G.Tımoshına, S.Q.Qalıev, M.H.Baltabaev, Q.B.Jaryqbaev, Á.Tabyldıev, S.A.Uzaqbaeva, K.K.Qojahmetova, J.J.Naýryzbaı, Q.Q.Shalǵynbaevalar óz eńbekterinde tujyrymdady.

Qoǵamymyzdyń irgetasyn nyǵaıtý úshin búgingi jas urpaqqa úlgili, ónegeli tárbıe berý – qazirgi bilim berý jáne tárbıeleýdegi basty mindetterdiń biri.
Qazirgi zamanda jas urpaqqa sapaly bilim men sanaly tárbıe berý áleýmettik qurylymnyń eń mańyzdy mindetteriniń birine aınaldy. Qazaqstan Respýblıkasynyń 2015 jylǵa deıingi bilimdi damytý tujyrymdamasynda «Mektepke deıingi tárbıe úzdiksiz bilim berýdiń alǵashqy satysy. Ol balanyń jeke bas ereksheligin eskere otyryp damytatyn ortalyq» delingen.
Balany tárbıeleý, damytý jáne bilim berý máselelerinde otbasy men balabaqsha ujymynyń birlesken ózara tyǵyz baılanysta bolýy.
Bala tárbıesi ana sútinen bastalyp, ómir boıy qalyptasatyn kúrdeli qubylys. Tárbıeniń eń alǵashqy negizi otbasynda qalanyp, balabaqshamen baılanys arqyly odan ári jalǵasady.

«Jasta bilgen,basqa sińgen tálimiń,
óziń ólmeı súıegińnen qala almas», - dep klasık jazýshy aıtqandaı balalyq shaqtan boıyna ornyqqan, ana sútimen darıtyn, ulttyq sezim nyshandary, sóz óneri onyń bolashaq shamshyraǵyna aınalyp, rýhanı baılyǵyn keńeıtedi.
Ony týǵan jerge, elge, halqyna degen súıispenshilikke, patrıottyqqa tárbıeleý – asa jaýapty mindetterdiń biri.
«Jumyla kótergen júk jeńil»degendeı bala tárbıeleýde osyndaı mindetterdi iske asyrýshylar – balabaqsha men otbasy.
Osy eki arnada júrgizilgen tálim tárbıe sabaqtasa, ushtasa júrgizilgende ǵana maqsatymyz nátıjeli bolmaq.
Otbasy tárbıesindegi eń mańyzdy maqsattardyń biri – aınalany taný, seziný,qabyldaý, túsine qaraı tańdaý, áserleı bilý, ózine maqsat qoıa bilýge baýlý. Ómirdegi, ónerdegi, tabıǵattaǵy tamasha kórinisterden jan azyǵyn alyp áserlene bilýge úıretý. Bilimge, bilýge, qushtarlyqqa, ásemdikke, talǵampazdyqqa tárbıeleı otyryp, balany bolashaq bilim ordasy – mektepke daıyndaý.

Qyzylorda oblysy, Qazaly aýdany,
Áıteke bı kenti, № 7 «Baldyrǵan» balabaqshasynyń
tárbıeshisi: Serikbaeva Klara