InfoHub Logo

Taqyryby: «Otbasy – tárbıeniń basty uıasy»
Maqsaty Otbasy tálim - tárbıeniń negizi ekenin uǵyndyrý, ata - analar yntymaqtastyǵyn kúsheıtý
Mektep pen ata - ananyń baılanysyn arttyryp, balaǵa tárbıe berip, óz oılaryn aıtýǵa úıretý, jaýap berý qabiletterin damytý.
Kórnekilikter: naqyl sózder men maqaldar jazylǵan plakattar, alma aǵashy

Kirispe:
Sálemetsizder me!
Búgingi jınalysqa qatysyp otyrǵan ata-analar jáne qurmetti qonaqtar. Búgingi «Otbasy – tárbıeniń basty uıasy» atty jınalysymyzdy ashyq dep jarıalaýǵa ruqsat etińizder. Aldaryńyzǵa usynylyp otyrǵan alma aǵashyna nazar aýdaraıyq.
Ia, osy alma aǵashymyz mektep bolsa, ondaǵy jas jetkinshek jemisi dep qarap, jemisi shyryndy bolý úshin, bilimdi, tárbıeli, adamgershiligi mol azamat qalyptasýy kerek. «Yrys aldy yntymaq demekshi», yntymaq – isti bitirer, ata-anamen ustaz arasyndaǵy baılanys jalǵasyn taýyp jatsa, nur ústine nur. Sondyqtan, búgingi ata - analar jınalysynyń taqyryby: «Otbasy – tárbıeniń basty uıasy» dep ataldy.

Qandaıda azamat, qoǵam múshesi? Sol bolashaq qoǵamnyń qandaı bolýy, búgingi mekteptegi tárbıeden bastalady. Osy baǵytta mektebimizde júıeli júrgizilip kele jatqan ózin-ózi, birin-biri baǵalaý dıagnostıkasy ár jyl aıaǵynda júrgizilip, sol boıynsha jańa oqý jylyna jospar quramyz. Ol - ár túrli krıterıılerden turady. Solardyń ishinen búgingi pikiralys: tárbıe, densaýlyq, oqý, uqyptylyq baǵyttary talqylanady.

Osy zertteýlerge sáıkes adam boıyndaǵy adamgershilik asyl qasıetterine arnaǵym keledi.
Adamgershilik tárbıesi – adamnyń moraldyq qasıetterin, minez-qulqy men tártibin, adamgershilik sezimi men sanasy belgili bir maqsatqa baǵyttap qarastyrý.

Adamgershilik tárbıesiniń mazmunyna, eń aldymen, Otanǵa, elge degen súıispenshilik, borysh sezimin tárbıeleý, joldastyq, dostyq, janashyrlyqqa baýlý, úlkendi syılaý, tyńdaý, bedelin moıyndaý, eńbek adamdaryn qurmetteý, qamqorlyq jasaý, adaldyqqa, shynshyldyqqa, qarapaıymdylyqqa, maqsattylyqqa, tabandylyqqa, belsendilikke, batyldyqqa, ustamdylyqqa, uıymshyldyqqa tárbıeleý jatady. Osy tárbıeniń negizgi joly – oqý prosesi men oqýshylardyń kúndelikti ómirin, is - áreketin tıimdi tárbıe sharalaryn uıymdastyrý.

Adamgershilik tárbıesi ımandylyq turǵysynan, adamnyń barlyq áreketine, ádetine jáne barlyq minez-qulqyna durys baǵyt berip, jón siltep otyratyn, Otanyn, halqyn súıýge úıretetin tárbıe. Oqýshylardyń adamgershilik turaly túsinigi mol bolǵanymen, tájirıbede is - áreketi, tártibi bilimine sáıkes kelmeıtin jaılar kezdesedi. Olar jaqsy, jaman ádetterdi bilgenimen, ony óz ómirine sáıkestendire, tártibinde iske asyra almaıdy. Óıtkeni erejeni este saqtaý ońaı, da ony iske asyrý qıyn. Sondyqtan adamgershilik jaıynda túsinik bilim berýmen qatar durys tártibin, is - áreketin uıymdastyrýdy kózdeıdi. Óıtkeni búgingi bala – erteńgi ata - ana, bala tárbıeleýshi ult rýhyndaǵy halyq ókili, el namysyn qorǵaýshy, ata - babalarymyzdyń isin jalǵastyrýshy máńgilik kúsh.

(Negizgi bólim )
Otan – otbasynan bastalady demekshi, tárbıeniń bastaýyn ata - analardan bastaıyq. Búgin sizder «Otbasy – tárbıeniń basty uıasy» atty ata - analar jınalysyna jınalyp otyrsyzdar. Munda 4 - baǵyt boıynsha jumys isteıdi.
1) tárbıe baǵyty,
2) densaýlyq baǵyty,
3) oqý baǵyty,
4) uqyptylyq baǵyttary.
- (ata - analardy topqa bólip otyrǵyzý, tapsyrma berý, qoldaryndaǵy qaǵaz boıynsha top jetekshilerin saılaý, turǵyzyp tanystyrý )
Búgingi bizdiń maqsatymyz: myna alma aǵashtaǵy jemis – balamyz dep, qarap sýyqqa úsitpeı, qurtqa jegizbeı, shyryndy da, tátti alma qylyp ósirýimiz kerek.