InfoHub Logo

Maqsaty: bala tárbıesiniń alǵashqy qazyǵy týǵan uıasy, óz otbasyndaǵy ata - ana tárbıesi ekenin túsindirý, otbasy syılastyǵyn nyǵaıtý, balalarǵa qamqorlyq jasap otyrǵan ata - analarǵa qoldaý kórsetý.
Barysy:
1 - júrgizýshi: Armysyzdar qurmetti ata - analar, ustazdar, oqýshylar! Búgingi «Aıaly alaqan» atty merekelik keshimizge qosh keldińizder.
2 - júrgizýshi: Otbasy – shaǵyn memleket. Ol - tálim men tárbıeniń, úlgi men ónegeniń, meıirimdilik pen adamgershiliktiń ordasy. Adam balasynyń ómirge kelgennen keıingi bar tirshiligi otbasynda ótedi.
1 - júrgizýshi: Otbasy - altyn uıa, kıeli shańyraq bolsa, sol shańyraqtyń murageri, urpaq jalǵasy balalar bolyp tabylady. Otbasynda balalar negizgi tárbıeni ata – anadan alady. Olaı bolsa balanyń bas ustazy - ata - ana. Uly Abaı bul týraly
«Ata - anaǵa kóz qýanysh -
Aldyna alǵan erkesi.
Kókiregine kóp jubanysh,
Gúldenip oı ólkesi» dep jyr etken.

Kelesi oryndalar ánimiz sizderge arnalady qurmetti analar.
Án « Anashym»
2 - júrgizýshi: Búgingi merekelik saltanatty ashý úshin ortaǵa mektep basshysyn shaqyramyz.
1 - júrgizýshi: O, ata - ana!
Taıanyshy, tiregi,
Bar baqytty bir basyńa tiledi,
Balalarym jaqsy bolsyn dep qashanda,
Lúpildeıdi seniń qamqor júregiń.
2 - júrgizýshi: Sharıǵatta da otbasy joǵary baǵalanyp, onyń bala tárbıelep ósirýine birinshi dárejeli mán berilgen. « Balalar - ata - analar qolyna berilgen aıaýly amanat» delingen. Ata - anaǵa baladan jaqsy eshkim joq. Qaı ata - ana bolmasyn balasynyń bilimdi, mádenıetti, tártipti, ádepti bolýyn qalaıdy. Endeshe ortamyzda «Balamnyń tabanyna kirgen shóńge meniń mańdaıyma qadalsyn» dep balalaryn álpeshtep ósirgen aıaýly analarymyz otyr.
1 - júrgizýshi: Qurmetti halaıyq! Búgingi merekeniń eń saltanatty sáti keldi. Balaǵa júrek jylýyn, analyq meıirimin, qamqorlyǵyn aıamaı berip otyrǵan asyl analarymyzdy «Jyly júrek» nomınasıasy boıynsha marapattaý úshin ortaǵa shaqyramyz.
(«Jyly júrek» nomınasıasy boıynsha marapattaý)
2 - júrgizýshi: Qamqorym, asyl anam, ǵazız anam
Júresiń bar jaqsylyq tilep maǵan
Ómirde esh jamandyq kórmeı júrshi,
Tilerim osy ǵana meniń saǵan.
Án «Mama»
1 - júrgizýshi: Bizdiń saltanatty rásimimizdiń kelesi nomınasıasy «Bolashaqqa úles». Ortaǵa bilim salasynda kózge túsip júrgen oqýshylarymyzdyń ata - analaryn shaqyramyz.
(«Bolashaqqa úles» nomınasıasy boıynsha marapattaý)
2 - júrgizýshi: Syrymdy meniń bes saýsaqtaı biledi,
Bizder úshin bólek jany, júregi.
Qamqor jandy odan basqa kórgem joq,
Bizder úshin baqyt izdep júredi.
Án «Asyl ájem»
1 - júrgizýshi: Shirkin qoldan kelgenshe adamǵa jaqsylyq jasaǵanǵa ne jetsin! Adam janyn shynaıy qýanyshqa bóleıtin birden bir izgilikti is qoı ol. Elimizdiń qanshama jas túlekterine sport salasynda belgili jetistikterge qol jetkizgen jas urpaqty tárbıelep otyrǵan abzal jandar da barshylyq. Sportta bıik jetistikterge qol jetkizgen jas urpaqty tárbıelep otyrǵan ata - analarymyzdy «Sportqa úles» nomınasıasy boıynsha marapattaýǵa ortaǵa shaqyramyz.
(«Sportqa úles» )
2 - júrgizýshi: Aldymen súı ardaqty ata - anańdy
Úlgili urpaq atadan bata alady,
Bar jaqsylyq balaǵa bul ǵalamda
Meıirimine ata - ananyń jasalady.
Án «Ákeler»
1 - júrgizýshi: Jetekshi bop balańyzǵa júrdińiz be?
Bizdi oılap kóńilińiz júdedi me?
Dostarym, tyńdańyzdar ana sózin,
Sizderge arnap aıtatyn tilegin de.

( Sóz kezegin ata - analarǵa beremiz.)
Án «Táı - táı»
2 - júrgizýshi: Qatty tártip kórse bala kúninde,
Ónerimen qýantady túbinde.
Bala neni bilse jastan, uıadan -
Óle - ólgenshe sony tanyr qıada
Óner - bilim berem deseń basynan,
Ber oqýǵa balalardy jasynan.
Ata - anadan ósip urpaq taraǵan,
Jaqsy - jaman bolsa bala solardan, - dep Júsip Balasaǵun aıtpaqshy, ata - ananyń baqyty balanyń durys adam bop ósýine baılanysty. Al balalaryńyzdyń ózderińizge baqyt syılaıtyn tulǵa bolyp qalyptasýy, ata - analar sizderge baılanysty. Al, oqýshylar, sizder bolashaqta ata - ananyń úmitin aqtar, elin súıer sanaly azamat bolady degen senimdemiz.
Án «Bir tilek»
1 - júrgizýshi: Ata - ana deımiz bárimiz de ańqyldap,
Ata - ana deıdi jas sábı de jarqyldap.
Ata - ana degen báıteregi ómirdiń,
Ata - ana degen altyn qazyq, altyn baq
2 - júrgizýshi: Árbir otbasyna kúnniń shýaǵyndaı shattyq, jylylyǵyndaı meıirimdilik, qýanysh, bereke, baqyt tileı otyryp «Aıaly alaqan» atty keshimizdi aıaqtaımyz.