InfoHub Logo

Bilim berý salasy: Tanym
Taqyryby: Otbasym – baqyt mekeni
Bólimi: Ózin – ózi taný
Maqsaty: súıispenshilik, syılastyq qundylyqtary týraly túsinikterin keńeıtý.
Mindetteri: - otbasy súıispenshiligi, syılastyǵy týraly túsinik qalyptastyrý;
- otbasyndaǵy ózara syılastyq qarym – qatynas daǵdylaryn damytý;
- otbasyna súıispenshilikke tárbıeleý.
Bılıngvaldy komponent: otbasy – semá, ata – dedýshka, áje – babýshka, aǵa – brat, apa – sestra.

Áreket kezeńderi
Tárbıeshiniń is - áreketi

Balalardyń is - áreketi
Motıvasıalyq - qozǵaýshy kezeń
Shattyq sheńberi:
Bizdiń topta balalar,
Tatý – tátti oınaımyz.
Dos kóńili árqashan
Tek jaqsylyq oılaımyz.

Balalar sheńber boıyna jınalyp, óleń joldaryn qosylyp aıtady.

Uıymdastyrýshylyq - izdenýshilik kezeń
- Búgin biz «Ózin – ózi taný» áleminiń kartasyndaǵy «Otbasy» aıaldamasyna toqtalamyz. Osy aıaldamadaǵy sýretke qarap áńgime qurastyryp kóreıikshi.
Áńgimelesý.
* Otbasy degen sózdi qalaı túsinesińder?
* Otbasyn nelikten jaqsy kóresińder?

- Ájemiz, atamyz, anamyz, ákemiz tipti aǵa - ápkelerimiz bizdi erkeletip ataıdy. Olar senderdi «kúnim», «aıym», «juldyzym» dep aspandaǵy ǵajaıyp nárselerge teńeıdi. Qane, otbasynda senderdi kimder jáne qalaı erkeletedi eken. Esimizge túsirip aıtyp kóreıikshi.

Á. Isqaqovtyń «Kim oılap tapqan?» óleńin oqyp berip, balalarmen birge qaıtalaý.
Oıyn: «Aınalaıyn, tolǵanaıyn!
Oıynǵa 4 - 5 balany shyǵaryp, kózderin oramalmen baılaıdy. Ata – analar da ortaǵa shyǵyp, árqaısysy óz balalaryn erkeletip «Aqyldym meniń! Jaraısyń! Kúlimdegen bota kózińnen aınalaıyn! Qoshaqanym! Aınalaıyn, qulynym!» degen sózderdi aıtady

Oıynnyń qorytyndysy:
Bul oıyn balalardyń ózderine arnalyp aıtylǵan jyly sózderdi esterine túsirip qana qoımaı, sol sózderdiń jylylyǵyn sezine otyryp, soǵan laıyqty bolýǵa yqpal etýge baǵyttalady.
Sergitý sáti:
Biz kishkentaı balamyz,
Ósip – ónip tolamyz.
Kúnge qaraı talpynyp,
Kókke qoldy sozamyz.

Álippe – dáptermen jumys.
Dápterge otbasylyq sýret japsyratyndaryn aıtady. (Baıaý áýen jiberilip qoıylady).

E. Ótetileýulynyń «Bes» óleńin jatqa suraý.(1 - 2 baladan suraý). Bes saýsaqqa ata, áje, áke, ana jáne óziniń sýretterin bir – birlep japsyrý.

- Otbasy múshelerin atap shyǵyńdarshy.
- Ata, áje, áke, sheshe, aǵa, apa, sińli, qaryndas, ini.
- Balalar otbasymyzdaǵy basshy kim? (áke)
- Áke

Dáıeksóz.
«Kúnnen jylý taraıdy, anadan meıirim taraıdy» degen dáıeksózdi oqyp, kún men ananyń jylýy men meıirimi týraly túsinik berý.
- Kúnniń shýaǵy bizge jylý taratady. Al, analaryń senderdi jaqsy kórip óz meıirimin taratady eken. Senderdi erkeletip aımalaıdy.

Balalardyń jaýaptary tyńdalady

Balalar ata – analarynyń qalaı erkeletetinin aıtady.
Aıtylǵan sózderdi estı otyryp, óz ata – anasyn daýystarynan tanıdy.
Sergitý sátin qımylmen oryndaıdy.
Balalar úıden ákelgen otbasylyq sýretti dápterge ádemilep japsyrady.
Taqpaqty jatqa aıtyp, tárbıeshiniń tapsyrmasyn oryndaıdy.

Refleksıvti - túzetýshi kezeń
Qorytyndylaý
- Biz búgin ózimizge eń jaqyn, eń qymbat anamyz, qamqor ákemiz, qaıyrymdy ata - ájemiz, aǵa - ápkemiz, ini - qaryndasymyz týraly aıttyq. Biz olardy jaqsy kórýdi, syılaýdy úırendik. Otbasyndaǵylar árqashan tatý bolyp, birin – biri qurmetteı, syılaı bilýi kerek. Otbasy – ol eń jaqyn adamdardyń oshaǵy. Árqashan otbasy múshelerin syılap, qurmetteý kerek.

Júrekten júrekke
Balalar ózderiniń jyly sózderin otbasy múshelerine arnaıdy.

Balalar ózara oqý – is áreketinen alǵan áserlerimen bólisedi.

Kútiletin nátıje:
Bilýi kerek: Otbasy múshelerin qurmettep, syılaı bilýi kerek.
Bolýy kerek: Otbasynda ádepti, syıly bolýy kerek.
Jasaı bilýi: Berilgen tapsyrmalardy oryndaı bilýleri kerek.