InfoHub Logo

Ótegenniń ákesi óteǵul elý bes jasqa kelgende, azamat bolyp, er jetip otyrǵan on eki uly oba aýrýynan qaıtys bolypty. On eki ulynan birdeı aıyrylǵan Óteǵul kúndiz-túni jylaýdan kóz ashpapty. Sóıtip qan jylap júrgeninde Óteǵuldyń túsine bir aq saqaldy shal kirip:

— Áı, Óteǵul, ólgen on eki ulyńdy qaıta bereıin be, álde on eki ulǵa tatıtyn eki ul bereıin be? — deıdi.

Sonda Óteǵul:

— Qoıshynyń azdyǵy da, kóptigi de ólimtik, berseń, on eki ólikti koıyp, eki ulyńdy-aq bershi, — depti. Aqsaqaldy adam:

— Endeshe, jylama! On eki ulyńa tatıtyn eki ul berdim, — deıdi.

Óteǵuldyń jasy elý beske, áıeliniń jasy qyryq toǵyzǵa kelgende áıeli júkti bolyp, ul týady. Ólgenimdi ótedi dep, atyn Ótegen qoıady. Ótegenniń artynan týǵan ulynyń atyn ólgenim tabyldy dep, Tabyldy qoıady.

Ótegen eli súıgen batyr, dańqty kemeńger, halqynyń qamyn oılaǵan qamqorshy bolypty.

---