InfoHub Logo

Ótegen bir kúni bazarǵa kelip, aralap júrip, ózimen rýlas Júsip degen adamdy kezdestirip qalady. Júsip aqshaǵa muqtaj bolyp tur eken, batyrdy kórip qýanyp ketedi, qaryzǵa aqsha suraıdy. Ótegen oǵan bir apta merzimge otyz som aqsha qaryz beredi.

Sóıtip, arada úsh apta ótedi. Júsip qaryzǵa alǵan aqshasyn qaıtarmaıdy. Ótegen Janǵutty bolysqa Júsiptiń ústinen shaǵym aıtady. Bolys Júsipti shaqyryp alyp:

— Sen Ótegennen júz som qaryz alǵan ekensiń. Aqshasyn dereý taýyp ber, bolmasa sol júz somnyń ornyna mal ber! — dep buıyrady.

— Aǵataı, alǵanym júz som emes, otyz som edi, — dep Júsip jylarman bolypty.

Biraq Júsiptiń sózine eshkim qulaq aspaıdy, ol taǵdyrdyń salǵanyna amalsyzdan kónedi.

Ótegen úıine qaıtyp kelgen soń Júsipti ózine shaqyrtyp alyp:

— Balam, men senen artyq, aqsha alyp qoıdym ba? — dep suraıdy.

— Iá, atataı, — dep jylap jiberipti Júsip. Sonda ótegen Júsipke aqyl aıtyp:

— Shyraǵym, sen áli jassyń. Munan bylaı ótirik aıtýshy bolma! — dep belindegi kóp aqshany sheship, aldyna tastaı salady.

— Ózińdikin al da, ózimdikin ózime qaıtar, — deıdi.

Júsip batyrdan keshirim surap, endi ótirik aıtpaýǵa ýáde beripti. Ótegen Júsipke taı mingizipti.

---