InfoHub Logo

Bir jyldyń tamyz aıynda Ótegen óz rýlastaryn jınap alyp, qystyń qatty, malǵa jaısyz bolatyndyǵyn aıtyp, malǵa jaıly jerge qonys aýdarýǵa shaqyrady. Aýyldyń qarıalary: «Ótegen bilip aıtady, maldaryńdy aıdap, Ótegenge ilesińder», — dep balalaryn Ótegenniń kóshine qosady. Jolda olar birneshe aýyldy basyp ótedi. Ótegen ol aýyldyń adamdaryna da: «Bıyl jut bolady, munda qalmańdar, maldaryńdy birge aıdańdar, maldy juttan aman shyǵaryp, kóktemde qaıta kóship kelemiz», — deıdi. Alaıda biraz adamdar Ótegenge ilespeı, qalyp qoıady.

Kósh júrgeli jatqanda Ótegen batyrǵa bir kelinshek kelip:

— Ata-aı, erim ólgenine biraz jyl boldy. Balam jas, qolymda azdaǵan malym bar edi, ony qaıtem, aqylyńyzdy aıtsańyz, — dep jón suraıdy.

Ótegen:

— Balam, maldaryńdy maǵan qos, men ólmesem, bir ma-lyńdy shyǵyn qylmaı, kóktemde óz qolyńa alyp kep beremin, — deıdi.
Kelinshek bar malyn Ótegen batyrdyń kóshine qosyp, ózi balasy ekeýi qala beredi. Muny kórgen sol aýyldyń jigitteri kelinshekti mazaqtap:

— Basqamyz jutap qalarmyz, sen aqyldylyǵyńnan aman qalarsyń endi. Jut bolsa, aldymen malyn aıdap kóship bara jatqan Ótegenniń ózi jutar, — dep kúledi.

Sóıtip, Ótegen batyr qysy jumsaq qonys taýyp, sol jerge qystap shyǵady, malyn juttan aman alyp, kóktemge qaraı elge qaıtady. Jol-jónekeı álgi jesir kelinshektiń malyn, jańa týǵan tólimen aman-esen qolyna ákep beredi. Qystap bara jatqanda mazaqtap kúlgen jigitter uıalmaı saýǵa suraıdy. Bar malynan aıyrylyp, juttan jutap qalǵan olarǵa Ótegen batyr suraǵan maldaryn berip, ashtyqtan qutqarady.

Oqýǵa keńes beremiz:

Ótegenniń qyz berýi

Ótegenniń qaryzyn qaıtarýy

Ótegenniń Abylaıdy synaýy

---