InfoHub Logo

Uly júzdiń shanyshqyly rýynda Berdiqoja degen batyr bolady. Ol óziniń jalǵyz ulyna Taýasardyń balasy (Taýasar — óteǵuldyń inisi óteptiń balasy) Maldybaı bıdiń qyzyn alyp berý nıetimen Maldybaı aýylyna quda túsip keledi. Maldybaı Berdiqojany joldas-joralarymen kútip, syı-sıapatyn kórsetedi. Tańerteń ertelep Ótegenmen aqyldasýǵa keledi. Maldybaı Berdiqojanyń quda túsip kelgenin aıtyp, aǵasynan aqyl suraıdy.

Ótegen Maldybaıǵa:

— Meniń aqylymdy tyndasań, qyzyńdy Berdiqojanyń balasyna berme, — deıdi.

Sebebin suraǵan Maldybaıǵa ótegen:

— Berdiqoja jalǵyz shyqqan báıterek, ózi qulasa, janynda ornyn basyp kógerip shyǵary joq. Berdiqoja ólgen soń qyzyń «Maldybaıdyń qyzy, Berdiqojanyń kelini edim» dep bir aıaǵyna kón etik, bir aıaǵyna ton etik kıip, qaıyr surap, qańǵyp ketedi, — deıdi. Berdiqoja uıqysynan turyp Maldybaıdy surastyrady. Aýyl adamdary oǵan: «bı Jaqsy atammen aqyldasýǵa ketti, qazir kelip qalar» deıdi.

Sonda Berdiqoja:

— E-e, ótegen qart menimen quda bolmaıdy, — dep Maldybaıdy da kútpesten attanyp ketken eken. Ol jol-jónekeı ózine laıyq bireýdiń qyzyna quda túsip, balasyna alyp beredi.

Ótegen batyrdyń bul dúnıeden ótken, Maldybaıdyń qartaıǵan shaǵy eken. Bir kúni Maldybaıdyń úıine bir aıaǵyna kón, bir aıaǵyna ton etik kıgen áıel qaıyr surap kelipti. Jón surasa, álgi kelinshek Janys Qaramende bıdiń qyzy, baıaǵy Berdiqoja batyrdyń kelini bolyp shyǵady.
Sonda Maldybaı bı:

— Qasıetińnen aınalaıyn, Jaqsy atam-aı! Ne degen áýlıe ediń, ne degen kıeli ediń, — degen eken kózine jas alyp. Al qaıyr surap kelgen kelinshekke otyz qoı, qulyndy bıe, túıe beripti.

Oqýǵa keńes beremiz:

Ótegenniń qyz berýi

Ótegenniń qaryzyn qaıtarýy

Ótegenniń Abylaıdy synaýy

---