InfoHub Logo

Abylaı alpys bıin shaqyrtyp alyp túsin jorytyp otyrsa, Aıyrtaýdan Kókshetaýǵa ótegen batyr kele qalǵan eken. Batyr esik aldyndaǵy taıaqshyǵa dybys berip:

— Oý, bul kimniń úıi? — depti.

«Han saraıyn tanymaı júrgen bul qandaı qısyq» dep oılap taıaqshy:

— Ne izdep júrsiń, kim kerek? — deıdi.

— Alpys atanym bar edi, ishinde aqbas býrasy bar edi, sony joǵaltyp, izdep kelem, — depti ótegen batyr.

Muny estigen Abylaı han:

— Mynaý Qubyl eken ǵoı, — dep oń jaǵyna otyrǵyzyp alyp, túsin aıtady. (ótegendi jaqyndary «Qubyl» deıdi eken).

— Túsimde atym ólipti. Onyń ishin jaryp edim, qasqyr shyqty, qasqyrdyń ishin jaryp edim, túlki shyqty. Túlkiniń ishin jaryp edim, borsyq shyqty. Sheshýin tappaı tuıyqqa tirelip otyrmyn, — deıdi Abylaı han.

— «Handa qyryq kisiniń aqyly bar» deýshi edi. Alpys bıińmen júz kisisiz. Sony sheshe almaı otyryp, qazaqty qaıtip basqarasyz? — deıdi ótegen.

Buǵan irkilip qalǵan Abylaı:

— Endeshe óziń aıtshy. Qaıtip el bolamyz? — deıdi. Sonda Ótegen batyr:

— Atyń ólse, bul zaman tulpar zaman, ishinen qasqyr shyqsa, budan keıin qasqyr zaman bolady. Onyń ishinen túlki shyqsa, túlki zaman bolady. Onyń ishinen borsyq shyqsa, borsyq zaman bolady, bir jolmen baryp, bir jolmen qaıtatyn, adal-aramy aralas bolady, — degen eken.

---