InfoHub Logo

Kishi júzdiń Jarabaı degen jýan tuqymy qypshaqtyń bir adamyn óltirip, teńdik bermeıdi. Bir joly qypshaqtyń talapkerlerine ilesip jas bala barady.

Sonda Jarasbaıdyń daýgeri:

— Bul kelinniń toıy, kempirdiń ólimi emes, erdiń qunyn, nardyń pulyn daýlaıtyn, erdiń aryn, eldiń namysyn qozǵaıtyn úlgili bı, únemi júırik túsetin jer emes pe? Túıeniń taılaǵy balanyń oınaǵandaı mynalaryń kim? — deıdi.

Sonda bala:

— «Erdiń qunyn jastyń jaısańy, káriniń shaıtany daýlaıdy» deýshi edi. Sen káriniń shaıtany bolsań, men jastyń jaısańymyn. Tórińnen kóriń jýyq qalǵanda, daýǵa aralasatyn seniń ne jóniń bar? — deıdi. Osyndaı bılik aıtqan balanyń aty — Tóle eken. Keıin Tóle bı atanypty.

 

---