InfoHub Logo

Qazaq tilii 9 synyp

Sabaqtyń taqyryby: Ótinish, senimhat
Sabaqtyń maqsaty: 1) ótinish jáne senimhat týraly túsinik berý, jazylý joldaryn uǵyndyrý, stıl túrlerinen ajyrata bilýdi úıretý;
2) ózindik praktıkalyq áreket ortasyn qalyptastyrý, saýatty, ádemi jazýǵa beıimdeý, oılaý, este saqtaý qabiletterin ajyratý;
3) oqýshylardy patrıottyqqa, jigerlikke, jańashyldyqqa, izdenimpazdyqqa tárbıeleý.
Sabaqtyń túri: Dástúrli sabaq
Sabaqtyń ádisi: suraq - jaýap, shyǵarmashylyq izdený
Sabaqtyń kórnekiligi: kespe qaǵazdar, qosymsha materıaldar t. b
Pánaralyq baılanys: ádebıet, tarıh

Sabaqtyń barysy:
a) Uıymdastyrý kezeńi:
Oqýshylarmen amandasý, túgeldeý, oqý quraldaryn tekserý. Synyptyń tazalyǵyna kóńil bólý. Oqýshylardyń zeıinin sabaqqa aýdarý.
á) Úı tapsyrmasyn pysyqtaý:
Úıge berilgen tapsyrmany suraımyn. Oqýshylarǵa ótken tapsyrma boıynsha birneshe suraqtar qoıamyn:
1. qazaq tilindegi stıl túrleri aıtyp ber.
2. Aýyzeki sóıleý stıl týraly aıtyp ber
3. Kórkem ádebıeti stıli týraly ne aıta alasyńdar?
b) Jańa sabaqty túsindirý.

1. ÓTINISh
Ótinish – azamattardyń zańmen bekitilgen jeke quqyqtary men múddeleriniń júzege asyrylýy mazmundalatyn, jazbasha túrde baıandalatyn, ótiný, suraý týraly resmı qujat.
Ótinish jazylatyn negizgi jaǵdaılar tómendegideı:
- jumysqa qabyldaý
- jumystan bosatý
- basqa jumysqa aýystyrý
- kezekti demalys suraý
- kezekten tys demalys suraý
- materıaldyq kómek (páter bólý), balabaqshadan oryn bólý jáne t. b. týraly suraý
- jalaqyny kóterý týraly ótinish aıtý jáne t. b.

2. SENİMHAT – senim bildirilgen tulǵaǵa senim bildirýshi atynan (kásiporyn, azamat) qandaı da bir is - áreketti asyrýǵa quqyq beretin, olardyń ózara kelisimin kýálandyratyn qujat. Senimhat mekeme atynan da, jeke adam atynan da beriledi. Ol mekeme atynan mámile jasaýǵa, materıaldyq qundylyqtar men aqsha alýǵa nemese basqa da túrli áreketter jasaýǵa senim bildirip, quqyq beredi. Resmı senimhattar mekeme blankige rásimdeledi.
Senimhat mekeme atynan berilse, arnaýly blankke jazylady da, mekeme basshysynyń qoly men móri basylady.
Eger senimhat jeke adam tarapynan berilse, senimhat ıesiniń aty - jóni, qujatynyń aty men nómiri jazylyp, qoly qoıylady. Tómengi jaǵyna mekeme basshysy ne notarıýs senimhat ıesiniń qolyn rastap, mór basady.

Senimhat
2003 jyl 1 jeltoqsan, Almaty qalasy
Men, Serik Jánibekuly Mámetov kýálik: №80265498 QR İİM bergen, meken - jaıym: Almaty kalasy, Seıfýllın kóshesi, 456 úı, 3 páterde turatyn azamat Esengeldın Jomarttyń, týǵan atam - Meılibaev Mamettiń qaıtys bolǵanan keıin qalǵan múlikke meniń muragerlik quqyǵymdy rásimdeýine senim bildiremin. Bul úshin men azamat Esengeldın Jomartty:
- meniń atymnan ótinish jazýǵa;
- anyqtamalar men qujattar alýǵa;
- meniń ornyma qol qoıýǵa;
- muragerlikke quqyq berý týraly kýálikti alýǵa ókiletti etýge senim bildiremin.
Senimhat 2004 jyldyń 1 jeltoqsanyna deıin berilgen jáne 1 jyl kúshinde.

01. 12. 2003
S. Mametovtyń qolyn rastaımyn
Jattyǵýmen jumys: Tómendegi mátinniń stılin anyqtańdar. Qaramen berilgen sózderge sıntaksıstık taldaý jasańdar.

Shyǵarmashylyq jumys: «El rámizderi eldigimizdiń basty nyshandary» taqyrybyna esse jazyńdar.

Bilimdi bekitý: Ótken taqyryptar boıynsha birneshe suraqtar qoıa otyryp, túsinbegen suraqtaryna jaýap beremin.
1. Stılder neshege bólinedi?
2. Aýyzeki sóıleý stıli degenimiz ne?
3. Resmı is - qaǵazdary degenimiz ne?
Baǵalaý: Sabaqqa qatysyp otyrǵandaryna qaraı bilimderi baǵalanady.

Úıge tapsyrma: ótinish jáne senimhat jazyp kelý.