InfoHub Logo

Mańǵystaý oblysy, Jańaózen qalasy,
№9 orta mekteptiń qazaq tili men ádebıeti muǵalimi
Sakaýova Nýrjamal Serkalıevna

Qazaq tili sabaǵynda aqparattyq tehnologıalardy qoldaný

Elbasymyz N. Á. Nazarbaev joldaýynda aıtqandaı: «Bolashaqta órkenıetti damyǵan elderdiń qataryna ený úshin zaman talabyna saı bilim qajet. Qazaqstandy damyǵan 50 eldiń qataryna jetkizetin, terezesin teń etetin – bilim». Sondyqtan, qazirgi damý kezeńi bilim berý júıesiniń aldynda oqytý úrdisiniń tehnologıalandyrý máselesin qoıyp otyr. Oqytýdyń ártúrli tehnologıalary saraptalyp, jańashyl pedagogtardyń is – tájirıbesi zerttelip, mektep ómirine enýde. Jańa tehnologıany meńgerýde muǵalimniń jan – jaqty, bilimi qajet.

Qazirgi muǵalim:
Pedagogıkalyq úrdiste júıeli jumys júrgize alatyn;
Pedagogıkalyq ózgeristerge tez tóseletin;
Jańasha oılaý júıesin meńgere alatyn;
Oqýshylarmen ortaq til tabysa alatyn bilimdi, isker, sheber bolý kerek.
Jańa pedagogıkalyq tehnologıanyń erekshelikteri – ósip kele jatqan jeke tulǵany jan – jaqty damytý. Inovasıalyq bilimdi damytý, ózgeris engizý, jańa pedagogıkalyq ıdeıalar men jańalyqtardy ómirge ákelý. Burynǵy oqýshy tek tyńdaýshy, oryndaýshy bolsa, al qazirgi oqýshy – ózdiginen bilim izdeıtin jeke tulǵa ekendigine erekshe mán berýimiz kerek.

Qazirgi oqýshy:
Dúnıetanym qabileti joǵary
Daryndy, ónerpaz
İzdempaz, talapty
Óz aldyna maqsat qoıa bilý kerek.
Osyndaı tulǵany damytý úshin oqytýdyń jańa tehnologıasy qajet. Oqytý úrdisinde osyndaı ádisterdi paıdalaný muǵalimniń óziniń sheberligi qaraı júzege asady.
HHİ ǵasyr – bul aqparattyq qoǵam dáýiri, tehnologıalyq mádenıet dáýiri, aınaladaǵy dúnıege, adamnyń densaýlyǵyna, kásibı mádenıettiligine muqıat qaraıtyn dáýir. Búgingi bilim mazmuny muǵalim men oqýshynyń arasyndaǵy baılanysty sýbektıvti deńgeıde kóterýdegi demokratıalyq bastamalardyń barlyǵy muǵalimder arqyly júzege asyrylady. Búgingi muǵalimge tek pán muǵalimi retinde qabyldaý olqylyq kórsetedi. Muǵalim qoǵam aınasy.
Qazirgi tańda dástúrli oqytý ádistemesiniń zaman talabyna saı tolyq bilim berýge, meńgertýge kepildik bermeıtindigin mektep tájirıbesi kórsetip otyr. Sondyqtan jańartylǵan ádistemelik júıeniń oqytý úrdisinde iske asý úshin ony tehnologıalandyrý qajettiligi týady. Bilim berý úrdisin aqparattandyrý – jańa aqparattyq – kommýnıkatıvtik tehnologıalardy paıdalaný arqyly damyta oqytý, dara tulǵany baǵyttap oqytý maqsattaryn júzege asyra otyryp, oqý - tárbıe úrdisiniń barlyq deńgeıleriniń tıimdiligi men sapasyn joǵarylatýdy kózdeıdi. Birikken ulttar uıymynyń sheshimimen «HHİ ǵasyr – aqparattandyrý ǵasyry» dep atalady. Qazaqstan Respýblıkasy da ǵylymı - tehnıkalyq progrestiń negizgi belgisi – qoǵamdy aqparattandyrý bolatyn jańa kezeńine endi.
Qazirgi kezde bizdiń qoǵamymyz damýdyń jańa kezeńine kóship keledi, bul kezeń aqparattyq kezeń, ıaǵnı kompúterlik tehnıka men oǵan baılanysty barlyq aqparattyq - kommýnıkatıvtik tehnologıalar pedagogtar qyzmetiniń barlyq salalaryna kirigip, onyń tabıǵı ortasyna aınalyp otyr. «Bilim berýdegi aqparattyq – komýnıkasıalyq tehnologıalar» uǵymy «oqytýdyń jańa aqparattyq tehnologıalary», «qazirgi aqparattyq oqytý tehnologıalary», «kompúterlik oqytý tehnologıalary» jáne t. b., tirkestermen tyǵyz baılanysty.
Bilim berýdi aqparattandyrý, bilim salalarynyń barlyq qyzmetine AKT - ny engizý jáne ulttyq modeldi qalyptastyrý qazaqstandyq bilim berýdi sapaly deńgeıge kóterýdiń alǵy sharty. Aqparattyq prosesterdi qamtamasyz etetin qazirgi zamanǵy esepteý tehnıkalary birtutas kúrdeli júıe bolyp tabylady. Sol sebepti, pedagogtardyń kásibı biliktiligin arttyrýda AKT - ny oqyp - úırený jáne ony qoldaný kúrdeli proses bolyp tabylady.
Aqparattyq tehnologıa – qazirgi kompúterlik tehnıka negizinde aqparatty jınaý, saqtaý, óndeý jáne tasymaldaý isterin qamtamasyz etetin matematıkalyq jáne kıbernetıkalyq tásilder men qazirgi tehnıkalyq quraldar jıyny.
Komýnıkasıa – aqparatty tasymaldap jetkizý ádisteri men mehanızmderin jáne olardy jazyp jınaqtap jetkizý qurylǵylaryn qamtıtyn jalpy uǵym
Aqparattandyrýdyń negizgi baǵyty HHİ ǵasyrdyń talaptaryna sáıkes qoǵamdy damytýdyń joǵary tıimdilikti tehnologıalaryna súıengen jańa bilim strategıasyna kóshý bolyp tabylady. Osyǵan sáıkes qazirgi bilim júıesiniń erekshelikterine – onyń irgeliligi, aldyn alý sıpaty jáne olarǵa qol jetkizý múmkindikteri jatady.