InfoHub Logo

Zamanaýı detektordyń atasy orta ǵasyrda paıda bolǵan eken. Alaıda, qazirgi polıgraf ortaǵasyrlyq ótirik detektorynan aıtarlyqtaı erekshelenedi.

«Aqıqat aýzy» — Rımniń erekshe jáne tanymal oryndarynyń biri. Bir qyzyǵy, ótirikshiler munda áli de bolsa birshama qorqynyshpen keledi eken.

Aýyz Bocca della Verita alańynda ornalasqan.

Bul tas músin (medalón) Marıa ın Kosmedın shirkeýinniń qabyrǵasynda ornalasqan. Músin İ ǵasyrdaǵy ejelgi sýburqaqtyń bóligi bolǵan jáne putqa tabynýshy qudaılardyń biri Okeanýsty beınelegen degen boljam bar. Sondaı-aq, basqa bir derek Tıbr ózeniniń qudaıynyń beınesi degen boljamdy alǵa tartady.

Shynshyl aýyz (Aqıqat aýzy) — saqaldy adamnyń bet-júzin beıneleıdi, dıametri 1,75 m bolatyn dóńgelek beıne mármárdan jasalǵan. Onyń kózderi dóńgelek jáne aýzynda úlken tesik bar.

Dóńgelek músin bizdiń dáýirimizge deıingi IV ǵasyrda jasalǵan dep boljanýda, al, XVII ǵasyrǵa deıin áshekeı esebinde bolǵan desedi. Orta ǵasyrdyń yrymshyl adamdary ótirik aıtqandar mármár músinge qolyn salý arqyly qatań jazaǵa ushyraıtynyna, ıaǵnı qolynan aıyrylatynyna shúbásiz sendi.

Bul beıne jalǵandyqty anyqtaý qasıetiniń arqasynda tanymal boldy. Músinniń aýzyna qolyn salyp turyp jalǵan sóılese, músin tistep alady degen nanym boldy. Tipti, orta ǵasyrlarda medalónnyń artyna ótirik aıtyp, kinási dáleldengenderdiń qolyn shabý úshin jazalaýshy qoıylǵan desedi. Sonymen qatar, kúmánshil kúıeýler munda áıelderin ákeletin bolǵan.

Aqıqat aýzynyń tanymaldyǵy sonsha, kúni búginge deıin birneshe fılmde boı kórsetip úlgerdi. Sonyń biri Odrı Hepbern men Gregorı Pek akterlyq somdaýymen kópshilikke jol tartqan «Roman Holidaý» fılmi.

Sońǵy ýaqytta Rımge qarap ár túrli elderde Aqıqat aýzynyń beınesi bar avtomattar paıda boldy, tipti, Rımniń kóptegen jerlerinen músin beınelengen kádesyıdy satyp ala alasyz.

Panormadan qaraý:

 

Nazerke Ásetova

Oqýǵa keńes beremiz:

Fızıka zańdarynyń ústemdigi júrmeıtin 14 músin

Qara teńiz túbindegi músinder

Jumbaǵy áli kúnge deıin ashylmaǵan 13 tarıhı eskertkish

Álemdegi eń úlken 7 músin

---