InfoHub Logo

Taqyryp: Óz máselelerimizdi qalaı sheshýge bolady

Qosh keldińizder oqýshylar! Búgin barshamyz «Óz máselelerimdi qalaı sheshýge bolady» taqyrybyndaǵy trenıń sabaǵyna jınalyp otyrmyz.
Qurmetti oqýshylar! Sizder sábılik, balalyq shaqty, alǵashqy músheldi artqa tastap, jasóspirimdik shaqqa kelip jettińizder! Árbireýińniń aldaryńa qoıǵan basty maqsattaryń bar, bul – bilim shyńyna talpyný, júrekterińmen qalaǵan mamandyqtaryńyzdyń ıesi bolyp, óz eliniń erteńi, tiregi bolý. Osyǵan oraı bizdiń sabaǵymyz bolashaqqa barar jolda alda kezdesetin máseleler jaıynda bolmaq.

«Avtoportret» jattyǵýy. (5 mınýt)
Jattyǵý sharty: Sizdi tanys emes adammen kezdesý kútip tur delik, ol birden sizdi taný úshin ózińizdi sıpattap jazyńyz. Kópshilikten ózińizdi erekshelendirip turatyn belgilerińizdi tabyńyz. Bet - álpetińizdi, júrisińizdi, sóıleý mánerińizdi, kıim kıisińizdi, zeıindi aýdararlyqtaı ym - ısharalaryńyz bolsa t. b...

İ. Oı shaqyrý. ( 5 mınýt)
Barlyqtaryńyz kópten estip júrgen tanys sóz Másele (problema) sózin estigende eń aldymen oılaryńyzǵa ne keledi. Sol oılaryńyzdy qaǵazǵa sýret nemese keste túrinde beınelep qorǵaısyzdar. Jeke tizim jasaıdy, juppen bólisedi, topta birlese otyryp, ortaq oılaryn jınaqtap, ortada úlken qaǵazǵa toptastyrady.

İİ. Toptarǵa berilgen jeke jaǵdaıattardy sheshý (10mınýt)
Mektepte oqý barysynda kóptegen qıyndyq týyndaýy múmkin, sondaı jaǵdaılarǵa daıyn bolý úshin qazir sizderge jaǵdaıattar beriledi. sony sheshýlerińiz kerek. Ár topqa jeke jaǵdaıattar beriledi. Jaǵdaıattyń sheshimin jeke bólisedi, al basqa toptar óz oılaryn qosýlaryna bolady.
Jaǵdaıat
1- top
Siz sertıfıkat aldyńyz. Biraq qujat tapsyrar kezde sizge tańdaǵan mamandyǵyńyz boıynsha tolyq aqparat alǵan kezde kóńilińizden shyqpady, (oqıtyn ǵımaraty unamaýy múmkin, oqıtyn pánderińiz qyzyqtyrmaýy múmkin) siz ne isteısiz, sol mamandyqqa tapsyra beresiz be, álde basqa mamandyqty tańdar ma edińiz

2 -top
Siz OJSB tapsyrý ústindesiz, qatty qobaljyp otyrsyz, diril paıda bolyp ózińizdi qolyńyzda ustaı alar emessiz, bilgen suraqtardyń jaýaptaryn esińizge túsire almaýdasyz, osyndaı jaǵdaıǵa tap bolsańyz qıyndyqtan qalaı shyǵýǵa bolady?

3 -top
Siz týraly oıdan shyǵarylǵan qaýeset tarap ketkenin estidińiz. Bul aqparattyń taralýyna kináli sizdiń qurbyńyz bolsa; nemese bóten qyz bolsa siz ne ister edińiz?

Qorytyndy sóz:
Ańyz
Eki adam shól dalada keledi. Kún kúıdirip barady. Olarǵa pálma sýsynyn tasýshy kezdesti.
- Siz bizge sýsynyńyzdan bermes pe edińiz? Óte shóldedik - dedi olar.
Sýsyn tasýshy: Áýeli sender maǵan esimderińdi atańdar,- dedi.
— Meniń esimim - «Biz - Qaıdan - Kelemiz»,- dedi birinshisi.
— Meniń esimim «Biz - Qaıda - Baramyz», — dedi ekinshisi.
— «Biz - Qaıdan - Kelemiz», seniń esimiń keremet eken, — dedi sýsynshy...
– Men saǵan sýsyn beremin. Al seniń «Biz – Qaıda - Baramyz», esimiń nashar. Men seniń sýsynyńdy qandyra almaımyn...
Olar aıtysyp, osy máseleni sheshetin adamdy tappaq bolady. Qazyny taýyp oǵan bolǵan jaǵdaıdy aıtady. Qazy olardy tyńdap alyp, bylaı deıdi:
— Sýsynshy, sen qatelesesiń, «Biz - Qaıda - Baramyz» durys aıtady. Óıtkeni biz ótkennen ketip qaldyq, endi odan eshteńe ala almaımyz. Al jańany tek aldan, qaıda baramyz, sodan alamyz.
Sýsynshy: - Iá, solaı eken,- dep kelisedi de «Biz - Qaıda - Baramyzǵa» sýsyn beredi.
Iá, aıtys - tartysty sheshýge kómektesetin bireýdiń bolǵany qandaı jaqsy.
Mine synyp saǵatymyzda aıaqtalyp qaldy.
Talmasyn qanat, sónbesin úmit,
Armandar alǵa jalǵansyn.
Soqsa da daýyl, órt bolyp ómir

Qanattar balǵyn talmasyn.
Jandary qalamaıtyn alasany,
Órender alda talaı bel asady,
Álemge týǵan halqyn tanytatyn,
Shákirtter – elimizdiń bolashaǵy!
Refleksıa: Boıymyzdaǵy jaman qasıetterdi jazyp sebetke tastaıyq.