InfoHub Logo

Qojanasyr ápendi końyraý taqqan eshkisin jetekke alyp, bazardyń qaq ortasynda kele jatyr eken. Muny kórgen úsh tis qaqqan ákki ury kóripti de, bireýi turyp:

— Men eshkisin alyp keteıin, — deıdi.

— Men esegin urlaımyn, — deıdi ekinshisi.

— Men onyń bar kıimin qaqshımyn, — deıdi úshinshisi maqtanyp.

Birinshi ury eshkiniń moınyndaǵy arqandy sheship, qońyraýdy esektiń quıryǵyna baılapty. Ekinshisi Qojanasyrdyń al dyna tura qalyp:

— Jurt qońyraýdy maldyń moınyna taǵýshy edi, sen quıryǵyna taqqanyń ne? — deıdi.

Qojanasyr artyna qarasa, eshki joq, ol:

— Meniń eshkimdi kim aldy? — dep aıqaılaıdy.

Ury:

— Jańa ǵana bireý eshkini aldyna salyp aıdap bara jatqan edi, — deıdi.

Qojanasyr buǵan «esegime qaraı turshy» dep ótinedi de, eshkini qýa jóneledi. Eshkini tappaı qaıtyp kelse, esegi de ǵaıyp bolypty. Osy kezde ol qudyq túbinde jylap otyrǵan adamdy kóredi:

— Nege jylaısyń? — dep suraıdy Qojanasyr, al ol:

— Men ákimniń áıeliniń altyn-kúmis salynǵan altyn qobdıshasyn ákele jatyr edim, bireý meni ıterip qaldy da, qobdısha qudyqqa túsip ketti. Kim sol qobdıshany alyp berse, júz dınar beremin, — deıdi.

Eshkisi men eseginen aıyrylǵan Qojanasyr kóbirek aqshaǵa táýekel etkisi keledi. Ol bar kıimin sheshedi de, qudyqqa túsedi, ókinishke oraı, eshteńe taba almaıdy. Ary-beri aıqaılasa, eshkim jaýap bermeıdi. Qoja ıtshilep joǵaryǵa kóterilse, bar kıimi úshti-kúıli joq. Ábden tonalǵan Qojanasyr úlken taıaqty alypty da, aınala sermep kele jatsa kerek.

— Áı, munyń ne? — deıdi oǵan bireýler.

Sonda Qojanasyr:

— Meniń ózimdi urlap ketpesin dep saqtanǵanym ǵoı, — degen eken.

---