InfoHub Logo

Bir adam Qojaǵa aýzy jabyq kespekti berip:

— Men kelgenshe, saqtaı turshy, — dep tapsyrady. Birneshe kún ótken soń, Qojanyń áýestigi bel alady. Onda ne bolýy múmkin? Ol qaqpaǵyn ashsa, onda súzilgen tamasha bal bar eken.

Qojanyń silekeıi shubyryp ketedi. Ol saýsaǵyn batyryp, dámin alsa, bal óte tátti eken. Dámin bir kórip alǵan Qoja bal jegisi kelse boldy, áıteýir, syltaý taýyp kespek jaqqa bara beredi. Qysqasy, Qojanyń ózi de baıqamastan, baldy úńgýmen bolady, azǵantaı ýaqyttyń ishinde kespektiń túbinen bir-aq shyǵady. Kóp uzamaı-aq qojaıyn kelip, Qojadan kespekti suraıdy, al Ápendi túk bolmaǵandaı kespekti ustata beredi. Qespek tym jeńil. Qojaıyny ań-tań bolyp, aýzyn ashsa, kespektiń ishi jylan jalaǵandaı.

— Áı, Ápendi, bal qaıda?

— Sen surama, men aıtpaı-aq qoıaıyn áýre bolyp, — depti sonda Qoja myńq etpesten.

 

---