InfoHub Logo

Taqyryby: Ozyq oıly tapqyrlar
Maqsaty:
1) Oqýshylardyń matematıkaǵa degen qyzyǵýshylyǵyn arttyrý, matematıkalyq oılaý qabiletin damytý, alǵan bilimderin tereńdetý, keńeıtý, esepteý daǵdylaryn jetildirý.
2) Oqýshynyń pánge degen qyzyǵýshylyǵyn arttyrý. Oqyǵanyn este saqtaı bilýge, tıimdi tásilderdi tez tańdaı bilýge daǵdylandyrý. Oı - órisin keńeıtý, logıkalyq oılaý qabletterin damytý, ujymshyldyq qabletterin damytý.
3) Oqýshylardyń zeıinin, oılaý, zerde prosesterin damytý. Syılastyqqa jáne uıymshyldyqqa, aldaryna qoıǵan maqsattaryna jetýge tárbıeleý jáne jeke tulǵa etip qalyptastyrý.

Kórnekilikter:
Saıysqa qajet formattaǵy matematıkalyq kesteler, sýretter, tapsyrmalar, úlestirme kartochkalar, mýltımedıalyq proektor
Túri: Toptyq saıys
Jospary:
1. Toptyń ózin tanystyrýy
2. Tapqyrlyq saıysy (logıkalyq esepter)
3. Biliktilik saıysy (taqtada tapsyrma beriledi)
4. «Bilim arqan» saıysy ( ár topqa algebra jáne geometrıa pánderinen bir taqyrypta formýlalardy qurastyrý)
5. Shyǵarmashylyq jumys ( óleń shýmaqty óz oılarymen jalǵastyrý)
Qoldanylǵan naqyl sózder:
1. Arıfmetıka matematıkanyń, al matematıka ǵylymdardyń patshasy. (K. Gaýss)
2. Aqyl - oıdy tártipke keltiretin matematıka. (M. V. Lomonosov)
3. Matematıka – barlyq ǵylymdardyń tuńǵyshy jáne olarǵa paıdaly da, qajet te. (R. Bekon)
4. Matematıkanyń óz tili bar – ol formýla. (Sofá Kovalevskaıa)

Júrgizýshi:
Sálemetsizder me, oqýshylar!
Naqty ǵylymdarǵa qyzyǵýshylar.
Estigenin este tutyp,
Oqyǵanyn mıǵa toqýshylar.
Sálemetsizder me, ustazdar!
Aıtar oıyn tuspaldar.
Siz oqytqan oqýshylardyń,
Sáti keldi synalar.
Qaıyrly kún qadirmendi ustazdar men jarysqa qatysýshy oqýshylar! Búgingi «Ozyq oıly tapqyrlar» atty 9”A” jáne 9”B” synyptary arasynda ótkizilgeli otyrǵan matematıkalyq jarysyna qosh keldińizder! Búgingi jarys toptyq saıys túrinde ótedi.
Ádil qazy, aq qazyǵa bir sálem,
Ádildikke bas ıedi kúlli álem.
Júırik ozar saıystarda neshe bir,
Sarapqa sap, ádildikpen sheshe bil! - dep, búgingi saıysqa ádil baǵa beretin ádil qazylar alqasymen tanys bolyńyzdar.
----------------------------------------
Bilekti birdi jyǵar,
Bilimdi myńdy jyǵar - degen. Búgingi jarysymyzdyń 9 A synyp oqýshylarynyń ushqyr oılylarynan jáne 9 B synyptyń alǵyrlarynan quralǵan toptarǵa qoshemet kórsetip qoıaıyq.

Búgingi jarysymyz 4 kezeńnen turady.
1 kezeń. Tapqyrlyq saıysy «Jorǵa».
2 kezeń. Biliktilik saıysy.
3 kezeń. «Bilim arqany»
4 kezeń. Shyǵarmashylyq kezeń.

Matematıka syrlary,
Qyzyqtyrdy bizderdi.
Oıynǵa birge qatysýǵa,
Shaqyramyz sizderdi, - deı otyryp matematıkalyq jarysymyzdy bastaımyz. Jarystyń alǵashqy kezeńi «Jorǵa», ár topqa 15 suraqtan beriledi. Ýaqyt shekteýli. 5 mınýt ishinde 15 suraqqa jaýap berý qajet. Ár suraq 1 upaımen baǵalanady.
(slaıd 3: eki stereometrıalyq dene berilgen. Ár top osy eki dene ala otyryp ondaǵy suraqtarǵa jaýap beredi)

«Paralelepıped» stereometrıalyq denede berilgen tapsyrmalar:
1. Eki qabyrǵasy teń úshburysh (teń búıirli)
2. Jazyqta qıylyspaıtyn eki túzý (paralel)
3. Qarama - qarsy qabyrǵalary paralel bolyp kelgen tórtburysh (paralelogram)
4. Berilgen buryshqa qarsy jatqan katettiń gıpotenýzaǵa qatynasy (sınýs)
5. Barlyq qyrlary teń tik buryshty paralelepıped (tekshe)
6. Geometrıanyń jazyqtyqtaǵy zertteıtin bólimi (planımetrıa)
7. - diń máni nege teń? (3, 14)