InfoHub Logo

Klasy: 5
Sabaqtyń taqyryby: «PAINT grafıkalyq redaktory» (prezentasıasymen)
Sabaqtyń maqsaty:
Bilimdilik: Oqýshylardyń Paint redaktory týraly túsinikterin jınaqtaý, olardyń bilimderin baqylap, baǵalaý.
Damytýshylyq: Oqýshylardyń oılaýyn, kompúterlik saýattylyǵy men iskerligin, alǵan bilimderin praktıkada qoldana bilýge, tanymdyq qabiletin, logıkalyq saýattylyǵyn damyta otyryp, olardyń pánge degen qyzyǵýshylyǵyn, belsendiligin arttyrý.
Tárbıelik: Pánge, bilimge, shyǵarmashylyqqa, topta birlese jumys isteýge, tártiptilikke, uqyptylyqqa tárbıeleý, shyǵarmashylyq qabileti bar jeke tulǵany qalyptastyrý.
Sabaqtyń tıpi: praktıkalyq sabaq
Pánaralyq baılanys: beıneleý óneri, qazaq tili, dızaın.

Sabaqtyń barysy:
Uıymdastyrý.
Úı tapsyrmasyn tekserý:
1. «Intellekt karta» qurastyryńyz (jalǵastyryńyz)
2. «Gúl terý» oıyny.
3. Tapsyrma. Mysyq suraq qoıady.

Mysyq qatarynan birneshe kún PAINT grafıkalyq redaktorynda sýret saldy. Ol ony Kúshiktiń týǵan kúnine syılamaqshy edi. Sýret daıyn bolar kezde, Mysyqtyń boıaýy tógilip, búkil sýretin jaýyp ketti. Basqa sýret salǵanǵa Mysyqtyń ýaqyty joq. Ol qatty renjidi. Oǵan qalaı kómektesemiz?
Sońǵy áreketti qalaı qaıyramyz?................................................................................
Keńes bergenderińe Mysyq óte rıza boldy. Onyń qýanǵany sonsha, bir ret oryndaýdyń ornyna úsh ret oryndap, sýrettiń eń mańyzdy bólikterin joǵaltyp aldy. ol taǵy jylap otyr. Seniń kómegińdi kútedi.
Oryndaǵan áreketti qalaı keri qaıtarýǵa bolady?......................................................

Praktıkalyq jumys.
№ 1 tapsyrma. Qaraqshy.
Úzindilerdi jyljyta otyryp, qaraqshylardy kıindir, sodan keıin kıimin qaıta aýystyryp kıindir. Sýretke tómendegi mátindi engiz.
- Qaraqshy, Qaraqshy,
Qyzyq eken qalpaǵyń.
Jeıdeń de búgin ózgeshe,
Kıip aldyń sen nege?

- Men shalǵynda oınaımyn,
Qalpaqpen kóbelek ustaımyn.
№2 tapsyrma.
QÝYRSHAQTAR (MATRESHKALAR).
1. Syzyq, Qısyq syzyq, Dóńgelengen tik tórtburysh quraldarynyń kómegimen eń úlken matreshkanyń jartysyn sal.
2. Ony kóshir de, soldan onǵa beınesin túsir.
3. Matreshkanyń jartylaryn qos.
4. Birinshi matreshkany tórt kóshirmesin kiristir.
5. Sozý / eńkeıtý komandalarynyń kómegimen árbir kóshirmeniń ólshemin ózgert (kishireıt).
6. Úzindilerdi jyljyta otyryp, matreshkalardy boıyna qaraı bir qatarǵa ornalastyr.
№3 tapsyrma.
Ózderińdi jarnama jasaıtyn agenttiktiń qyzmetkeri dep elestetińder. Sizderge «Oıynshyqtar» dúkeni, «Gúlder salony», «Ydys - aıaq» dúkeni, «Elektronıka álemi», «Kondıter ónimderi» dúkeni t. b. obektilerden tapsyrys tústi. Ózderińe unaǵan bir taqyrypqa Paint redaktorynyń barlyq múmkindikterin qoldana otyryp jarnama jasaýlaryńyz usynylady.

Refleksıa.
1. Búgingi sabaqta Paint týraly ne bildińizder?
2. Sizderdi grafıkalyq redaktordyń qandaı ereksheligi tańqaldyrdy?
Sóılemdi aıaqtańdar:
• Búgingi sabaqta maǵan …………… qyzyqty boldy.
• Búgingi sabaqta maǵan …………… unady.
• Búgingi sabaqta maǵan…………… qıyn boldy.
• Búgin sabaqta men………………… úırendim.
• Búgingi sabaq maǵan ……………… kórsetti.
• Bolashaqta men ………………………

Úı tapsyrmasy: «Qys» taqyrybyna kompozısıa oılastyryp kelý.
«Úzindilermen júrgiziletin áreketter» taqyrybyn qaıtalaý.
Oqýshylardy baǵalaý.
Sabaqty aıaqtaý.