Pavlodar oblysynda barlyq balabaqshaǵa qazaq tilindegi tárbıe engizilmek
Pavlodar oblysynyń ákimi Bolat Baqaýov óńirdegi barlyq balabaqshalarǵa memlekettik tildegi tárbıeni engizýdi usyndy.
Mundaı ıdeıany aımaq basshysy Qazaqstan Prezıdenti Nursultan Nazarbaevtyń el halqyna Joldaýynyń negizgi baǵyttaryn túsindirý boıynsha ótken keńeste bildirdi. Bolat Baqaýov óziniń orynbasary Meıram Begentaevqa jáne bilim basqarmasynyń basshysyna bul bastasha úshin múmkindikterdi zerdeleýdi tapsyrdy.
«Balalar balabaqshadan keıin mektepke barǵan kezde, qazaq tildi mektepke ne orys tildige baratynyn ózi sheshsin. Esesine, balabaqshadan keıin olarda memlekettik tildiń irgetasy bolady. Orys jáne aǵylshyn tilderinde pánder mektepterde úıretiledi», - dep atap ótti ol.
Ákimniń sózinshe, 2019 jyldan bastap 10 jáne 11-synyp oqýshylary keıbir pánderdi aǵylshyn tilinde oqıtyn bolady.
Baqaýov sondaı-aq otyrys barysynda Elbasynyń tapsyrmasy boıynsha Pavlodar oblysynda 2017 jyldan bastap kásibı jáne tehnıkalyq bilim berýdi aqysyz negizge aýystyrý júrgiziletinin aıtty.
You Might Also Like
-
Belgili bolǵandaı, spartalyqtardyń tárbıesi – óte qatań. Spartada ǵylym, óner, qolónerge mán berilmegen. Jer óńdeý ılottarǵa, ıaǵnı quldarǵa mindettelgen. Al azat spartalyq úshin mundaı kásip u...
-
"B.Nurlybekov atyndaǵy jalpy orta mektebi" 7 "Á" synyp oqýshysy: Amantaeva Balnýr Ermahanqyzy Jetekshisi: Shındalıeva Baıan
