Pedagog tapshy óńirlerge barǵan mamandardyń aılyǵy basqa koeffısentpen esepteledi
Pedagog tapshy óńirlerge barǵan mamandarǵa páter jaldaý jáne komýnaldyq shyǵyndar boıynsha ótem beriledi.
Bul týraly QR Bilim jáne ǵylym mınıstri Ashat Aımaǵambetov Úkimet otyrysynda aıtty.
«Muǵalimder jetispeıtin óńirlerge úzdik pedagogterdi tartý boıynsha arnaıy baǵdarlama ázirlenedi. Óńirlerdegi pedagogterdiń tapshylyǵy jáne bilim berý salasyndaǵy úlken alshaqtyq baıqalatyn óńirlerge taldaý júrgizildi», - degen mınıstr pedagog tapshy óńirlerge eń úzdik túlekter tartý úshin yntalandyrý sharalary qarastyrylǵanyn aıtty.
«Osy pedagogterge arnaıy áleýmettik qoldaý sharalary usynylady. Sonyń ishinde jalaqyny arttyrý boıynsha tıisti koeffısent belgileý, turatyn úıiniń tólemin óteý nemese komýnaldyq qyzmetter tólemin óteý sıaqty yntalandyrý sharalary qarastyrylýda», - dedi Ashat Aımaǵambetov.
Eske salsaq, Memleket basshysy Qasym-Jomart Toqaev keshegi ótken Májilistiń jalpy otyrysynda muǵalim tapshy óńirlerdiń máselesin sheshýdiń jańa tásilin usynǵan bolatyn.
«Uly Ahmet Baıtursynuly aıtqandaı, muǵalim – mekteptiń júregi. Sondyqtan men muǵalimder tapshylyǵy bar óńirlerge úzdik pedagogtardy tartýdyń arnaıy qoldaý paketteri bar arnaıy baǵdarlamasyn ázirleýdi tapsyramyn», - dedgen edi Prezıdent.
You Might Also Like
-
«Bilim Land» ınovasıalyq kompanıasy bilimland.com jáne onlinemektep.org bilim berý saıttary onlaın-rejımde de, oflaın-rejımde de jumys isteıtinin habarlaıdy. Internetke qoljetimdilik sh...
-
Nur-Sultan qalasynda mektep oqýshylary, kolej jáne JOO stýdentteri onlaın oqýǵa kóshirildi. Bul týraly Nur-Sultan qalasynyń bas memlekettik sanıtar dárigeri Sarhat Beısenova málim etti.
