InfoHub Logo

Aqtóbe gýmanıtarlyq koleji oqytýshysy,
pedagogıka jáne psıhologıa magıstri.
R. T. Býlebaeva.

Tanysý.
«Esimder alıterasıasy» jattyǵýy.
Qatysýshylar sheńber jasap otyrady. Oıynnyń sharty: ár qatysýshy óz esimin aıtyp, sol esiminiń bastapqy árpine syn esim nemese jaǵymdy qasıet oılap tabady. Júrgizýshi bastaıdy: «Meniń atym gúldeı Gúlnur». Ekinshi qatysýshy jalǵastyrady: «Men sizderge gúldeı Gúlnurdy tanystyramyn, meniń atym aqkóńil Ajar». Osylaısha barlyq qatysýshyǵa deıin jalǵasady.
Kirispe sóz:
Muǵalim úshin oqýshynyń qyzyǵýshylyǵy, beıimi, qabileti jáne basqa da psıhologıalyq erekshelikteri basty orynda bolýy kerek. Osyndaı erekshelikterdi eskerý men damytý oqýshynyń jeke tulǵasyn qalyptastyrýda mańyzdy faktor bolyp tabylady. Atalǵan mindetterdi muǵalimniń biliktiligi men psıhologıalyq mádenıetin kóterý arqyly ǵana tıimdi júzege asyrýǵa bolady.
Qazirgi ýaqyttaǵy toptyq trenıń tájirıbesi qoldanbaly psıhologıanyń qarqyndy damýshy salasy bolyp tabylady. Trenıńter balanyń ózin - ózi tárbıeleýine qyzyqtyrýy jáne túrtki bolýy múmkin. Oqýshynyń ózin damytýdyń durys joldaryn taýyp, sanaly qoldanýyna kómektesedi, ómirlik mańyzdy daǵdylary qalyptasady: qarym - qatynas jasaý qabileti, tulǵaralyq qarym - qatynas qura bilýge, emosıalaryn meńgere bilýge, sheshim qabyldaýǵa úırenedi.
Trenıńter árbir oqýshynyń óziniń jeke tulǵalyq sapalyq qasıetterin bilýge, ózin - ózi tanýǵa, ózin - ózi jetildirýge, ózin - ózi belsendirýge kómektesip, ózin ujymda, kópshilik ortasynda ustaýǵa, áriptesterin tyńdaýǵa, kópshilik aldynda shyǵyp sóıleýge, óz oıyn dáleldep aıtýǵa, basqalardyń oılarymen sanasýǵa úıretedi, ujymmen jumys isteýdi, ujymnyń jetistikterin baǵalaýdy, kemshilikterin boldyrmaýdy úırenedi, óz bilimin jetildirýge, óz betinshe izdenýge, shyǵarmashylyqqa jol ashady.

«Uǵym mánin aıqyndaý» jattyǵýy.
Uǵymnyń máni – bul naqty tulǵa sonymen baılanystyratyn asosıasıalar.
- «Trenıń» sózi neni bildiredi?
- «Trenıń» sóziniń qatysy joq birneshe zatty atańyz.
- «Trenıń» sózin túsindiretin birneshe zatty atańyz.
- «Trenıń» sózin qandaı uǵymdarmen baılanystyrasyz.
- «Trenıń» sózi nege uqsaıdy?
- «Trenıń» sózi nesimen erekshelenedi?
- Basqa adamǵa «Trenıń» sózi týraly túsinigińizdi qalaı jetkizer edińiz?
- Sizdiń «Trenıń» sózi týraly anyqtamańyz sizge erkin bolýǵa, ómirde jetistikke jetýge qalaı kómektesedi?
- «Trenıńtik» ádistiń mańyzy men kómegi.
Ǵylymı eńbekterde «Trenıń - jeke tulǵanyń damýyna jáne ózara árekettestik, ózara qatynas salasynda komponenttilikti jetildirýge baǵyttalǵan jattyǵýlar júıesi» degen anyqtama beriledi.
Pedagogıkalyq trenıń – oqytý sapasyn arttyrýda oqýshynyń bilik pen daǵdysyn qalyptastyrý men jetildirýdi kózdeıtin josparly baǵdarlamamen júrgiziletin ár túrli jattyǵýlar júıesi.
Pedagogıkalyq trenıń oqý - tárbıe prosesinde XX ǵasyrdyń 60 - jyldarynan bastap qoldana bastady.
Oqytýdyń basqa formalarynan trenıńtiń aıyrmashylyǵy bar:
1. maqsaty shekteýli – aldyna shaǵyn maqsat qoıady, sol maqsatqa jetý úshin ǵana jumys jasaıdy;
2. ózine ilestirý baǵyttylyǵy – keń kólemde bilim bermese de, qandaı da bir máseleniń jeke jaqtaryn tereń ashýǵa tyrysady;
3. qoldanbalyq sıpattylyǵy – oqytýdyń basqa ádisterimen salystyrǵanda, alǵan bilimniń ómirge tikeleı paıdalanýymen erekshelenedi.

Tolyq nusqasyn júkteý